Hörmətli oxucular!
|
 Azərbaycan Sosial Demokrat Partiyası (ASDP) prezident seçkisində öz namizədi ilə iştirak edəcək. Bu barədə APA-ya məlumat verən ASDP-nin həmsədri Araz Əlizadə seçkidə kimin namizədliyinin irəli sürüləcəyi ilə bağlı hələlik qərar vermədiklərini söyləyib. O, partiyanın həmsədri Ayaz Mütəllibovun namizədlik məsələsinin də hələ müzakirə mövzusu olmadığını bildirib. |
 Dağlıq Qarabağ münaqişəsinin nizamlanmasında vasitəçilik missiyasını üzərinə götürmüş ATƏT-in Minsk Qrupunun həmsədrləri Metyu Brayza (ABŞ), Bernar Fasie (Fransa) və Yuri Merzlyakovun (Rusiya) regiona səfərinin dəqiq vaxtı məlum olub. |
 Avropa İttifaqına üzv 27 ölkənin rəhbərləri “Şərq tərəfdaşlığı” haqqında Polşa və İsveçin təklif etdiyi layihəni dəstəkləyib və bununla bağlı müvafiq qərar qəbul ediblər. APA-nın məlumatına görə, layihə Avropa İttifaqının Azərbaycan, Ukrayna, Moldova, Gürcüstan, Ermənistan və Belarusla regional əməkdaşlıq forumunun yaradılmasını nəzərdə tutur. |
 Dünya əhalisinin sayı 1999-cu ildə qeydə alınmış 6 mlrd. nəfərdən 2012-ci ildə 7 mlrd., 2050-ci ildə isə 9,5 mlrd. nəfərə çatacaq. «APA-Economics»in məlumatına görə, bu barədə ABŞ-ın Əhalinin Siyahıyaalınması Bürosu tərəfindən açıqlanan hesabatda bildirilir. |
 Gələn ilin əvvəlində Mingəçevir-Ağcabədi-Bəhrəmtəpə-Biləsuvar avtomobil yolunda yenidənqurma işlərinə başlanılması planlaşdırılır. Bu barədə «APA-Economics»ə «Azəryolservis» ASC-dən məlumat verilib. Hazırda yolun keçdiyi ərazilərdə tədqiqatlar aparılır və layihənin maliyyə mənbələri öyrənilir. |
 Bu ilin yanvar-may aylarında Azərbaycanın pərakəndə ticarət və iaşə obyektləri şəbəkəsində 4 078,3 mln. manatlıq və ya 2007-ci ilin müvafiq dövründəkindən 14,7% çox istehlak malları satılıb və xidmət göstərilib. |
 İyunun 28-29-da Niderland Krallığının Amsterdam şəhərində Benilüks Azərbaycanlıları Konqresi Azərbaycan Demokratik Respublikasının yaradılmasının 90 illiyi münasibətilə “Azərbaycan-Şərqin ilk demokratik dövləti: keçmişdən gələcəyə doğru 90 il” mövzusunda konfrans keçirəcək. |
 Bu ilin yanvar-aprel aylarında Azərbaycanda müəssisə və təşkilatlarda muzdla çalışan işçilərin siyahı sayı 1 372,2 min nəfər təşkil edib ki, onların 869,7 min nəfəri (63,4%) dövlət bölməsində, 470,8 min nəfəri (36,6%) isə qeyri-dövlət bölməsində fəaliyyət göstərib. |
 İyulun 16-17-də Bakıda «Əqli mülkiyyət və iqtisadi inkişaf» mövzusunda beynəlxalq konfrans keçiriləcək. «APA-Economics»in məlumatına görə, bunu Azərbaycan Standartlaşdırma, Metrologiya və Patent üzrə Dövlət Agentliyinin baş direktoru Ramiz Həsənov bildirib. |
 Bu ilin iyunun 24-25-də Londonda (İngiltərə) «Euromoney» Beynəlxalq Təşkilatının «Qlobal kreditorlar və investorlar» Forumu keçiriləcək. Azərbaycan İqtisadi İnkişaf Nazirliyindən «APA-Economics»ə verilən məlumata görə, beynəlxalq və regional maliyyə qurumlarının rəhbərlərinin, kredit və investisiya şirkətlərinin nümayəndələrinin, investorların qatılacağı tədbirdə Azərbaycanı iqtisadi inkişaf naziri Heydər Babayev təmsil edəcək. |
 Prezident yanında Qeyri-Hökumət Təşkilatlarına Dövlət Dəstəyi Şurası QHT-lərin layihələrinin maliyyələşməsi ilə bağlı müsabiqəyə həsr olunan məlumat sessiyası keçirib. APA-nın məlumatına görə, şuranın eksperti Fərasət Qurbanov deyib ki, müsabiqəyə 15 müddəa üzrə layihələr təqdim olunmalıdır. O bildirib ki, layihələrin qəbulu müddəti iyunun 12-dən iyulun 2-nə qədərdir. |
 “Azərbaycan tərəqqi yolunda olan müsəlman dövlətlərində qadınlara verilən hüquqlar baxımından qabaqcıl mövqedədir”. APA-nın ABŞ bürosunun məlumatına görə, bu fikirlər Havay ştatının Nümayəndələr Palatasının xarici əlaqələr komitəsinin üzvü Jene Vardın yerli “Hanolulu Advertiser” qəzetində dərc olunan məqaləsində öz əksini tapıb. Konqresmen qeyd edib ki, iyunun 10-11-də Bakıda keçirilən “Mədəniyyətlərarası dialoqda qadınların rolunun artması” forumu 50 ölkədən 250 qonağı bir araya yığıb. |
 Azərbaycanın bir sıra ictimai-siyasi təşkilatları Dağlıq Qarabağ münaqişəsinin sülh yolu ilə həlli üçün Azərbaycan və Ermənistan arasında aparılan sülh danışıqlarının dayandırılmasını tələb edir. «Azərbaycan və Ermənistan arasında vasitəçilik edən ATƏT-in Minsk Qrupu həmsədrlərinin ermənipərəst mövqeyi və beynəlxalq təşkilatların Azərbaycana təzyiqləri danışıqların davam etdirilməsinə imkan vermir», - deyə Qarabağ Azadlıq Təşkilatının (QAT) vasitəçiliyi ilə ictimai-siyasi təşkilatların cümə günü keçirilən toplantısının sonunda qəbul olunan bəyanatda qeyd olunub. |
 Azərbaycan jurnalistlərinin qurultayında Mətbuat Şurasının Nizamnaməsinə əlavə və dəyişikliklər edildi. Dəyişikliklərə əsasən, Mətbuat Şurasının sədri bundan sonra iki il müddətinə deyil, dörd il müddətinə seçiləcək. Nizamnaməyə edilən digər dəyişikliyə görə, Şuranın sədri dalbadal iki müddətdən artıq seçilmək səlahiyyəti qazanıb. |
 Azərbaycanın ailə qanunvericiliyində nikaha daxil olan şəxslər arasında nagah müqaviləsinin bağlanması nəzərdə tutulub. Lakin təcrübədə nikaha girən şəxslər bu müqaviləni bağlamağa maraq göstərmirlər. Müqavilənin bağlanmaması isə, tərəflər arasında əmlak mübahisəsi yarandıqda, ciddi problemlər doğurur. |
 Araz “Həmsədrlər çoxdandır, regiona səfər etmirlər. Onların budəfəki səfərləri zamanı rəsmilərlə danışıqlarda Azərbaycan və Ermənistan prezidentlərinin Sankt-Peterburq görüşünün nəticələri əsasında prosesin davam etdirilməsi məsələsi müzakirə olunacaq”. |
 Azərbaycan ekspertləri hesab edirlər ki, Ermənistan və Azərbaycan ordu üçün hərbi xərclərin artırılmasını dayandırmayacağı təqdirdə hərbi əməliyyatların bərpasından qaçmaq mümkün olmayacaq. |
 Azərbaycanda qeyri-qanuni ali təhsil almış tələbələrin sayı 700-ə çatıb və onların arasında xarici ali məktəblərdən süni yolla Azərbaycanın ali məktəblərinə köçürülənlər də var. Bu barədə cümə günü Bakıda jurnalistlərə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. |
 Azərbaycanın BMT-nin Cenevrə ofisindəki daimi nümayəndəsi BMT Şurasının insan haqları üzrə vitse-sədri seçilib. Azərbaycanlı diplomat Elçin Əmirbəyov büroya üzv cümə axşamı keçirilmiş seçkilərdə şərqi-avropa regional qrupundan seçilib. Bu barədə “Trend News”ə Jenevrədən telefonla Əmirbəyov özü bildirib. Onun sözlərinə görə, o bu vəzifəyə bir il müddətinə seçilib. |
|
|
