Hörmətli oxucular!
|
 «AZƏRBAYCANDA VƏTƏNDAŞ CƏMİYYƏTİNİN İNKİŞAFINA YARDIM ASSOSİASİYASI»nın (AVCİYA) Seçki Qərargahı Prezident seçkiləri ərəfəsi regionlarla işi daha da genişləndirir. Seçki Qərargahının sədri Məhərrəm Zülfüqarlının rəhbərliyi ilə nümayəndə heyəti 12 - 23 iyul 2008 –ci il tarixlərdə Xaçmaz, Quba, Göyçay, Mingəçevir, Gəncə, Şamaxı, İsmayıllı və Şəki şəhərlərində olaraq Assosiasiyanın regional ofislərində görüşlər keçirmişlər. |
 Azərbaycan paytaxtında inşa edilən avtovağzal bu il sentyabrın sonu, oktyabrın əvvəllərində istifadəyə veriləcək. Bu barədə «APA-Economics»ə Azərbaycan Nəqliyyat Nazirliyindən məlumat verilib. Hazırda avtovağzalda aparılan son tamamlama işləri sentyabrın ortalarınadək yekunlaşacaq. Yeni avtovağzala Bakıdan rayonlara və əks istiqamətdə sərnişin daşıyan müasir tələblərə cavab verən avtobuslar buraxılacaq. Hazırda rayonlararası sərnişindaşımada iştirak edən bütün hüquqi və fiziki şəxslərə istifadələrində olan avtobusların müasir tələblərə cavab verən komfortlu avtobuslarla əvəz etmələri barədə xəbərdarlıq olunub. |
 Gürcü-osetin münaqişə zonasında gedən döyüşlərdə Azərbaycanın Qax rayonunda yaşayan gürcülərin də həlak olduğu barədə məlumatlar yayılıb. Bu barədə APA-nın Şəki-Zaqatala bürosuna Qax rayonunun Qax-ingiloy kəndinin sakinləri olan gürcü millətinin nümayəndələri məlumat veriblər. |
 Rusiyanın Gürcüstana qarşı başladığı hərbi əməliyyatlar rəsmi Moskvanın uzun illər boyu yürütdüyü siyasətin tərkib hissəsidir. Bunu Gürcüstanda baş verənləri APA-ya şərh edən hərbi ekspert, ehtiyatda olan polkovnik İldırım Məmmədov bildirib. Hazırda Gürcüstan ordusunun döyüş hazırlığının yüksək səviyyədə olduğunu qeyd edən rusların məruz qaldığı hərbi itkiləri bunun sübutu adlandırıb: «Rusiya hələ əməliyyatlar başlamazdan öncə Şimali Qafqaza - Gürcüstan və Azərbaycanla sərhədə 350 min nəfərlik canlı qüvvə cəmləşdirmişdi. Bu günlərdə keçirilən «Qafqaz-2008» təlimlərində də Qafqazda hərbi əməliyyatlar ssenarisi nəzərdən keçirilib. |
 «Yeni Müsavat» qəzetinin baş redaktoru, Azərbaycanın müxalif Müsavat Partiyasının üzvü Rauf Arifoğlu partiyanı tərk etmək niyyətindədir. «2010-cu ildə İsa Qəmbər partiyanın rəhbərliyindən gedəcək və partiyanın Nizamnaməsi onun növbəti dəfə başqan olmasını istisna edir. Qəmbərdən başqa kimsənin başqan olduğu Müsavatda mənim qalmağım qeyri-mümkündür», bazar ertəsi Trend News-a Arifoğlu bildirib. |
 Müxalif Azərbaycan Xalq Cəbhəsi Partiyasının (AXCP) 165 üzvlük Şəmkir rayon təşkilatının bütövlükdə istefa verməsi və təşkilatın bundan sonrakı siyasi fəaliyyətini Azərbaycan Yolu Siyasi Hərəkatının sıralarında davam etdirəcəyi barədə bazar ertəsi adıçəkilən rayon təşkilatının sədri Nəriman Hüseynovun adından Trend News-a bəyanat daxil olub. |
 Azərbaycan Xarici İşlər Nazirliyi Gürcüstandan Azərbaycana viza alınması prosedurunu yüngülləşdirib. Bu barədə bazar ertəsi keçirilən mətbuat konfransında Azərbaycan XİN-in mətbuat katibi Xəzər İbrahim bildirib. Onun sözlərinə görə, son 2-3 gün ərzində yüzlərlə xarici vətəndaş Gürcüstandan Azərbaycana keçib. |
 Polis bazar ertəsi Azərbaycanda yaşayan gürcülərin Bakıda Rusiya səfirliyi qarşısında Bakı Şəhər İcra Hakimiyyəti tərəfindən icazə verilməyən etiraz aksiyası keçirmələrinə imkan verməyib. Trend News -un müxbirinin hadisə yerindən verdiyi məlumata görə, aksiya iştirakçıları «Stop Russia» şüarı səsləndiriblər. |
 Müxalif Azərbaycan Xalq Cəbhəsi Partiyası (AXCP) Ali Məclisinin keçmiş sədri Qulamhüseyn Əlibəyli prezidentliyə namizədliyini rəsmən irəli sürüb. «Artıq mən seçkidə iştirak etmək barədə yekun qərar vermişəm və bu gün sənədlərimi Mərkəzi Seçki Komissiyasına təqdim edəcəyəm», bazar ertəsi Trend News-a Əlibəyli bildirib. Müxalifəti təmsil edən AXCP hazırda «Azadlıq» siyasi blokunun üzvü və həmtəsisçisidir. Partiyanın qurucusu və 2000-ci ilə qədər sədri Azərbaycanın eks-prezidenti mərhum Əbülfəz Elçibəy olub. 2000-ci ildən indiyədək AXCP-yə keçmiş dövlət katibi, sabiq deputat Əli Kərimli sədrlik edir. |
 Gürcüstanın Azərbaycandakı səfiri Nikoloz Natbiladze mətbuat konfransı keçirib. APA-nın məlumatına görə, N. Natbiladze mətbuat konfransında bəyanatla çıxış edib: “Biz beynəlxalq ictimaiyyəti və strateji tərəfdaşımız olan Azərbaycanı Gürcüstanı dəstəkləməyə, Rusiyadan atəşi dayandırmağı tələb etməyə çağırırıq”. Səfir avqustun 8-9-da Gürcüstanın hərbi təcavüzün qurbanı olduğunu, Rusiya hərbi təyyarələrinin təkcə hərbi bazaları deyil, Qori, Kareli, Marneuli kimi yaşayış məntəqələrini də bombaladığını bildirib. |
 Azərbaycan Mərkəzi Seçki Komissiyasının (MSK) növbəti iclası keçirilib. APA-nın məlumatına görə, iclasda prezidentliyə namizədlikləri irəli sürülmüş Bütöv Azərbaycan Xalq Cəbhəsi Partiyasının sədri Qüdrət Həsənquliyevin, Müasir Müsavat Partiyasının sədri Hafiz Hacıyevin, Azərbaycan Liberal Demokrat Partiyasının sədri Fuad Əliyevin, “Yaşıl Siyasət” Seçicilərin Təşəbbüs Qrupunun namizədi Mayıs Güləliyevin və namizədliyi özü tərəfindən irəli sürülmüş Qüdrət İsaqovun namizədlikləri təsdiq edilib. |
 Müxalif Azərbaycan Milli İstiqlal Partiyasının (AMİP) Siyasi Şurasının şənbə günü keçirilən iclasında prezident seçkisində iştirak etməmək barədə qərar çıxarıb. Bu barədə Trend News-a iclasdan sonra partiyanın funksioneri Əli Orucov bildirib. Orucov bildirib ki, partiya prezident seçkilərində iştirakı vacib hesab edir. Lakin partiyanın namizədi olmadığından, seçkilərdə iştirak etməyəcək. |
|
|
