Hörmətli oxucular!
|
 Azərbaycanın Mərkəzi Seçki Komissiyasının (MSK) şənbə günü keçirilən iclasında Xalq Cəbhəsi Partiyası (AXCP) Ali Məclisinin keçmiş sədri Qulamhüseyn Əlibəylinin prezidentliyə namizədliyi təsdiq olunub. Trend News-un məlumatına görə, prezidentliyə daha iki namizədin - «Mədəniyyət» qəzetinin məsləhətçisi Teymur Quliyev və «Ekspertiza» qəzetinin bas redaktoru Süleyman Quliyevin sənədləri də MSK-ya təqdim olunub. |
 Azərbaycanın Mərkəzi Seçki Komissiyasının (MSK) şənbə günü keçirilən iclasında hazırkı dövlət başçısı İlham Əliyevin prezidentliyə namizədliyi rəsmi surətdə təsdiqlənib. İclasda çıxış edən MSK rəhbəri Məzahir Pənahov bildirib ki, Yeni Azərbaycan Partiyasının namizədi İlham Əliyevin namizədliyinin dəstəklənməsi üçün 46,750 imza təqdim olunub ki, bu imzalardan 46 203 imza etibarları, yerdə qalan imzalar isə etibarsız sayılıb. |
 Ümid Partiyası Lənkəran rayon (şəhər) təşkilatının rəhbərliyi təmsil olunduqları qurumdan çıxmaları ilə bağlı bəyanat veriblər. Təşkilatdan APA-ya verilən məlumata görə, bəyanatda bildirilib ki, bundan sonra Ümid Partiyasının Lənkəran rayon təşkilatının sədri Kazım Məmmədov, Məclis sədri Namiq Məmmədov, Nəzarət Təftiş Komissiyasının sədri Mais Məmmədov və qurumun 187 nəfər üzvü siyasi fəaliyyətlərini Bütöv Azərbaycan Xalq Cəbhəsi Partiyasında (BAXCP) davam etdirəcəklər. |
 Şənbə günü Vəhdət Partiyasının Baş Məclisinin sessiyası keçirilib. APA-nın məlumatına görə, toplantıda prezident seçkisində partiyanın namizədinin müəyyənləşməsi məsələsi müzakirəyə çıxarılıb. Partiya sədri Tahir Kərimli deyib ki, Vəhdət Partiyası uzun illər müxalifət düşərgəsində təmsil olunub və iqtidara qarşı radikal mövqe nümayiş etdirib. |
 Rusiya prezidenti Dmitri Medvedev gürcü-osetin münaqişə zonasında atəşkəs rejiminin bərpa olunması barədə sazişi imzalamağa razılıq verib. APA-nın “Qruziya-online” saytına istinadən yaydığı məlumata görə, Rusiya prezidenti bu barədə Fransa prezidenti Nikola Sarkozi ilə telefon danışığında bildirib. Sarkozinin sözlərinə görə, Rusiya prezidenti atəşkəs sazişində nəzərdə tutulan öhdəliklərin hamısını, o cümlədən qoşunların Gürcüstan ərazisindən çıxarılması barədə öhdəliyi yerinə yetirməyə razılıq verib. |
 Azərbaycanın müxalif Milli İstiqlal Partiyası (AMİP) müxalifətin yeni formatının yaradılması istiqamətində danışıqlara cəlb olunmayıb. «Ümumiyyətlə, biz yeni formatın yaranması ilə bağlı danışıqlara qeyri-ciddi yanaşırıq», şənbə günü Trend News-a AMİP funksioneri Əli Orucov bildirib. Müsavat başqanı İsa Qəmbər bildirib ki, müxtəlif seçkidə iştirak etməyən siyasi qüvvələrlə, real müxalifətlə ilkin fikir mübadiləsi aparılıb və artıq ilkin fikir mübadiləsi məsləhətləşmə mərhələsinə daxil olub. |
 Bakının Nərimanov rayonu ərazisində yerləşən Əbu Bəkir məscidində partlayış baş verib.. APA-nın hadisə yerində olan müxbirlərinin xəbərinə görə, hadisə bu gün saat 21.00 radələrində, namaz vaxtı baş verib. Hadisənin şahidlərindən biri APA-ya deyib ki, namaz qılınarkən o da məsciddə olub. Məscidə ard-arda iki əl qumbarası atılıb. Şahidlərin sözlərinə görə, partlayış baş verən zaman məsciddə 500-ə qədər adam olub. |
|
|
