Hörmətli oxucular!
|
 Azərbaycan parlamentinin sədri Oqtay Əsədov hesab edir ki, prezident seçkisinə hazırlıq yüksək səviyyədə həyata keçirilir. «Prezident seçkisi yüksək səviyyədə, beynəlxalq standartlara uyğun, demokratik və şəffaf keçiriləcək», çərşənbə axşamı Əsədov Avropa Şurası Parlament Assambleyasının (AŞPA) Azərbaycanda prezident seçkisini müşahidə missiyasının rəhbəri Andres Herkellə görüşündə bildirib. |
 Ərazi bütövlüyü prinsipi mövcuddur. Lakin Dağlıq Qarabağ münaqişəsi tərəfləri arasında saziş olarsa, o zaman bu sazişi hər kəs qəbul etməli və bu saziş beynəlxalq hüquq və diplomatiyanın digər prinsiplərini də özündə birləşdirməlidir, - yeni yaranmış dövlətlərin müstəqilliyinin tanınmasına dair hazırkı prosesin Dağlıq Qarabağ münaqişəsinin nizamlanması prosesinə necə təsir edəcəyi barədə sualı cavablandıran ATƏT-in Minsk Qrupunun amerikalı həmsədri Metyu Brayza bildirib. Bununla yanaşı, diplomat əlavə edib ki, belə saziş mümkündür, - “Arminfo” qəzeti xəbər verir. |
 “Qafqazda çoxlu kəsişən maraqlar var, lakin son hadisələr əksər regional münaqişələrin yaranmasına səbəb olub”, - İranın xarici işlər naziri Mənuçöhr Möttəki Ermənistanın xarici işlər naziri Edvard Nalbandyanla Tehranda birgə mətbuat konfransının gedişində deyib. Möttəki qeyd edib ki, İran Qafqaz regionunun qonşusu olmaqla, əməkdaşlığın yaradılması məqsədilə region ölkələri arasında məsləhətləşmələr aparmağı təklif edib. |
 Azərbaycanlı atlet Vüqar Mehdiyev Çinin Pekin şəhərində keçirilən Paralimpiadada bürünc medal qazanıb. Bu, Azərbaycan yığmasının hesabına yazılan sayca 10 -cu medal olub. Mehdiyev 200 metr məsafəyə qaçışda üçüncü yeri tutub. Paralimpiadada iştirak edən azərbaycanlı idmançıların qazandıqları medallardan ikisi qızıl, üçü gümüş, beşi isə bürüncdür. |
 Avropa Şurası Venesiya Komissiyasının eksperti Mərkəzi Seçki Komissiyası (MSK) ilə birgə işləmək üçün Azərbaycana gələcək. Ekspertin namizədliyi hələ də nəzərdən keçirilir,- Venesiya Komissiyası Katibliyinin nümayəndəsi Sergey Kuznetsov çərşənbə axşamı Strasburqdan telefonla Trend News -a bildirib. Onun sözlərinə görə, Azərbaycana yalnız bir ekspert gələcək və hazırda onun iş formatı nəzərdən keçirilir. |
 Ukrayna Ali Radasının sədri Arseni Yasenyuk 2007-ci il noyabrın 29-da “Yuliya Timoşenko” və “Bizim Ukrayna-Xalq Özünümüdafiəsi” blokları tərəfindən yaradılmış demokratik koalisiyanın dağıldığını rəsmən elan edib. APA-nın “UNİAN”a istinadən verdiyi məlumata görə, A. Yasenyuk “Kimsə bir dəqiqəlik sükut istəyirmi? Heç lazım da deyil”, deyə deputatlarla zarafatlaşıb. O, parlamentin sədri vəzifəsinə yeni namizəd irəli sürməyi də təklif edib. Spiker bu gün Ukraynanın siyasi tarixində səhifələrdən birinin qapandığını və yeni səhifə açıldığını söyləyib. |
 Noyabrın 13-də Polşa prezidenti Lex Kaçinski Bakıda keçiriləcək IV Enerji sammitində iştirak etmək üçün Azərbaycana gələcək. Bu barədə APA-ya Polşanın Azərbaycandakı səfiri Kşiştov Krayevski məlumat verib. O, səfərin Azərbaycan prezidentinin dəvəti əsasında reallaşacağını bildirib. Qeyd edək ki, enerji ehtiyatlarının nəqlinin müxtəlifləşdirilməsinin müzakirə ediləcəyi sammitdə Litva və Estoniya prezidentləri də iştirak edəcək. |
 Avropa Şurasının Parlament Assambleyası (AŞPA) Azərbaycanda seçkiqabağı prosesin ilkin monitorinqini aparıb. “AŞPA-nın ilkin monitorinqi seçkiqabağı prosesdə problemlər aşkarlayıb”, - AŞPA monitorinq missiyasının rəhbəri Andreas Herkel çərşənbə axşamı Bakıda jurnalistlərə bildirib. Herkel səfər çərçivəsində çərşənbə axşamı ATƏT, Aİ və AŞ-nin Azərbaycandakı monitorinq missiyalarının rəhbərləri, İFES-in Bakı ofisinin nümayəndələri ilə görüşlər keçirib. |
 Ermənistan və Türkiyə arasındakı problemlərin həll olunması üçün ortaq komissiya yaradılacaq. Bu haqda Türkiyənin DünyaBülteni xəbər agentliyi məlumatı verib. Ölkə rəsmiləri mövcud problemləri beynəlxalq müzakirəyə çıxarmadan, öz aralarında həll etməyi planlaşdırırlar. Yaradılacaq komissiyanın əsas məqsədi də ölkələrarası əlaqələrin bərpasına xidmət etməkdir. |
 Prezident seçkiləri günü seçkiləri müşahidə etmək üçün məntəqələrdə kameralar quraşdırılacaq. Bunu çərşənbə axşamı jurnalistlərə açıqlamasında Mərkəzi Seçki Komissiyasının sədri Məzəhir Pənahov deyib. MSK sədri bildirib ki, kameralar respublika üzrə seçki məntəqələrinin 10%-ni əhatə edəcək. Onun sözlərinə görə, məntəqələrin səsverməyə hazırlanması müddəti də daxil olmaqla, axşam protokollar tərtib olunub dairələrə göndərilənədək, bütün proseslər kameralarla müşahidə olunacaq. |
 Azərbaycan prezidenti İlham Əliyev ölkə parlamentinə Əfqanıstandakı sülhməramlı əməliyyatlarda azərbaycanlı hərbi qulluqçuların sayının artırılması haqqında qanun layihəsi təqdim edib, - Azərbaycanın Milli Məclisinin (MM) vitse-spikeri Ziyafət Əsgərov çərşənbə axşamı jurnalistlərə bildirib. Qanun layihəsinə əsasən, Əfqanıstandakı azərbaycanlı sülhməramlıların sayı bir taqım artırılacaq. |
 ATƏT-in Minsk Qrupunun həmsədrləri Azərbaycan, Ermənistan və Türkiyə xarici işlər nazirlərinin Nyu-Yorkda keçiriləcək danışıqlarına qoşulmayacaqlar. Üç ölkənin xarici işlər nazirləri Elmar Məmmədyarov, Edvard Nalbandyan və Əli Babacanın görüşü Türkiyə XİN rəhbərinin təşəbbüsü ilə BMT Baş Assambleyasının çərşənbə axşamı Nyu-Yorkda işə başlayacaq sessiyası çərçivəsində baş tutacaq. |
 Qərbi Avropa İttifaqı Assambleyasının (QAİA) siyasi məsələlər və təhlükəsizlik komitəsinin sədr müavini, Böyük Britaniyalı deputat Maykl Hankok bildirib ki, Ermənistan sülh və sabitlik naminə Azərbaycan torpaqlarını işğıl altında saxlamaq iddialarından əl çəkməlidir. «Bu gün Azərbaycan torpaqlarının 20%-i , sözün həqiqi mənasında, oğurlanıb. Aydın məsələdir ki, Ermənistan Azərbaycan torpaqlarını işğal edib və həmin işğalı davam etdirir», - deyə çərşənbə axşamı Bakıda keçirdiyi mətbuat konfransında Qərbi Avropa İttifaqı Parlament Assambleyasının siyasi məsələlər və təhlükəsizlik komitəsinin sədr müavini, Böyük Britaniyalı deputat Maykl Hankok bildirib. |
 Rusiya və Azərbaycan prezidentlərinin Moskvada keçirilən görüşü başa çatıb. APA-nın “İTAR-TASS” agentliyinə istinadən yaydığı məlumata görə, görüşün yekunlarını dəyərləndirən Rusiya prezidenti Dmitri Medvedev azərbaycanlı həmkarını Cənubi Osetiya hadisələri ətrafındakı vəziyyət barədə məlumatlandırdığını deyib: “Mən Rusiyanın Cənubi Qafqazda təhlükəsizliyi təmin etmək üçün atdığı addımlar barədə prezident Əliyevə məlumat verdim. |
 ATƏT-in Demokratik Təsisatlar və İnsan Haqları Bürosunun Azərbaycanda keçiriləcək seçkiləri Müşahidə Missiyasının rəhbəri Boris Frlets Azərbaycan Demokrat Partiyasının (ADP) sədri Sərdar Cəlaloğlu ilə görüş keçirib. ADP-nin mətbuat xidmətindən APA-ya daxil olan məlumata görə, ATƏT rəsmisi partiyanın fəaliyyəti, seçkilərdə iştirak etməməsinin səbəbləri ilə maraqlanıb. ADP sədri isə ölkədəki seçkiqabağı vəziyyətlə bağlı məlumat verərək hazırkı şəraitdə demokratik seçkilərin keçirilməsinin mümkün olmadığını bildirib. |
 “Azad, Şəffaf və Ədalətli Seçkilər” Koalisiyası (AŞƏS) oktyabrın 15-də keçiriləcək prezident seçkiləri ilə bağlı bir sıra seçki dairələrində monitorinq aparıb. Koalisiyanın mətbuat xidmətindən APA-ya daxil olan məlumatda bildirilir ki, seçki dairələri və məntəqələrində seçkiyə hazırlıq üçün lazım olan bir sıra tədbirlər həyata keçirilib. 10 saylı Binəqədi üçüncü, 16 saylı Yasamal ikinci, 42 saylı Sumqayıt ikinci, 70 saylı Masallı şəhər, 76 saylı Lənkəran-Astara, 88 saylı Göyçay seçki dairələrində təbliğat plakatları və namizədlərin görüşləri üçün müvafiq yerlər ayrılıb. |
 Bu ilin sonunadək Azərbaycanda ilk dəfə Sosial Məcəlləsinin hazırlanmasına başlanacaq. «APA-Economics»in məlumatına görə, Azərbaycan Əmək və Əhalinin Sosial Müdafiəsi Nazirliyinin yoxsulluq problemləri və ünvanlı sosial yardım siyasəti şöbəsinin müdiri Natiq Qasımov bildirib ki, artıq ölkədə bu məcəllənin hazırlanması zərurəti yaranıb. |
 Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurası keçirdiyi müsabiqədə qalib gələn təşkilatlara ayrılan maliyyə vəsaitini onların hesabına köçürüb. Bu barədə APA-ya məlumat verən Şura sədri Azay Quliyev artıq növbəti müsabiqəni keçirməyə hazırlaşdıqlarını deyib. Onun sözlərin görə, gələn il ərzində müsabiqə iki dəfə - ilin əvvəlində və axırında keçiriləcək. |
 Bakıda Azərbaycanda İxracın və İnvestisiyaların Təşviqi Fondu (Azpromo) və Böyük Britaniyanın Orta Şərq üzrə Biznes Assosiasiyası arasında əməkdaşlığa dair memorandum imzalanıb. Bu barədə «APA-Economics»ə Azpromo-dan məlumat verilib. «Memoranduma əsasən, hər iki təşkilat arasında ilkin olaraq Azərbaycan və Böyük Britaniyada həyata keçirilə biləcək layihələr üzrə informasiya mübadiləsi aparılacaq», - deyə Azpromo-dan bildirilib. |
 Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin partiyanın rayon-şəhər gənclər təşkilatlarının üzvləri ilə görüşü olub. APA-nın məlumatına görə, Q. Həsənquliyev görüşdə partiyanın fəaliyyəti haqda danışıb və prezident seçkilərinə hazır olduqlarını söyləyib. O bildirib ki, BAXCP seçkilərə “Biz bacararıq! |
|
|
