|
|
 Fransa prezidenti Nikolya Sarkozi hesab edir ki, Dağlıq Qarabağ münaqişəsinin nizamlanmasına nail olmaq üçün gələn il müstəsna və məqsədəuyğun olacaq və bu imkandan istifadə etmək lazımdır, - «Azərtac» Dövlət İnformasiya Agentliyi məlumat verir. «Fransa Minsk Qrupunun həmsədri kimi Dağlıq Qarabağ münaqişəsinin sülh yolu ilə və ədalətli nizamlanması üçün bütün səylərini tətbiq edəcək» |
 Azərbaycan prezidenti İlham Əliyevin Aşqabada rəsmi səfəri zamanı bir sıra sənədlər imzalanıb. Azərbaycanın və Türkmənistanın nəqliyyat nazirlikləri Bakı və Türkmənbaşı limanları vasitəsilə beynəlxalq dəmir yolu - bərə yükdaşınmalarının təşkili, yük vaqonları və konteynerlərin istismarı, nömrələri üzrə onların qeydiyyatı və onlardan istifadə üzrə hesablamalar haqqında saziş bağlayıb. |
 Azərbaycanlı tələbələr təhsillərini Çexiyanın ali məktəblərində davam etdirə bilərlər. Tələbələrə bu imkan Azərbaycanda Çexiya və UNESCO - nun maliyyələşdirdiyi iki təqaüd proqramının elan edilməsi ilə yaradılıb, - Təhsil Nazirliyindən xəbər veriblər. Təqaüd proqramlarında 2009 – 2010 - cu tədris ilində bakalavr və magistr dərəcəsi üzrə təhsilin alınması təklif edilir. Müsabiqədə iştirak etmək istəyən şəxslər, dekabrın 31- dək ərizələrini UNESCO - nun Təqaüd Proqramları üzrə Şöbəsinə təqdim etməlidirlər |
 “Azərbaycan Avropa İttifaqının “Şərq Tərəfdaşlığı” təşəbbüsünə qoşularsa və burada öz əksini tapacaq şərtləri qəbul edərsə, gələcəkdə bu quruma daxil olmaq şansını artırır”. APA-nın məlumatına görə, Avropa İttifaqı (Aİ) Avropa Komissiyasının Azərbaycandakı nümayəndəliyinin rəhbəri, səfir Alan Vaddams bunu noyabrın 28-də “Azərbaycanın Avropa İttifaqına inteqrasiyası: nəticə və perspektivlər” mövzusunda keçirilən tədbirdə deyib. A. Vaddams bildirib ki, gələcəkdə proseslərin hansı şəkildə inkişaf edəcəyi haqda hələlik heç nə demək mümkün deyil: |
 “Moskva Bəyannaməsi bir şansdır. Bu şansdan istifadə edilə də bilər, edilməyə də”. Bu sözləri APA-ya açıqlamasında “Russkiy Mir” Fondunun icraçı direktoru, tanınmış Rusiya politoloqu, tarix elmləri doktoru Vyaçeslav Nikonov deyib. O, Dağlıq Qarabağ münaqişəsinin çox ağır problem olduğunu, bu problemin həllini hətta nəzəri cəhətdən təsəvvür etməyin belə çətin olduğunu bildirib: |
 Bakı Metropoliteninin «İçərişəhər» stansiyası yenidənqurma işlərindən sonra bu ilin dekabr ayının sonunadək istifadəyə veriləcək. Bu barədə «APA-Economics»ə Bakı Metropoliteninin baş mühəndisi Elbrus Muradov məlumat verib. E.Muradovun sözlərinə görə, artıq yenidənqurma işləri yekunlaşmaq üzrədir. Stansiyanın yeni piramida şəkilli tavanının dayaqları qurulub və hazırda onun şüşələri yerləşdirilir. |
 Bu gün Bakıda Azərbaycan hökuməti adından Əmək və Əhalinin Sosial Müdafiəsi Nazirliyi (ƏƏSMN) ilə Dünya Bankı (DB) arasında «Azərbaycanda sosial müdafiənin inkişafı Layihəsi» üzrə kredit sazişi imzalanıb. Sənədi əmək və əhalinin sosial müdafiəsi naziri Füzuli Ələkbərov və DB-nın Azərbaycandakı nümayəndəliyinin rəhbəri Qreqori Yedjeyçak imzalayıblar. «APA-Economics»in məlumatına görə, imzalanma mərasimində çıxış edən F.Ələkbərov bildirib ki, 1995-ci ildən sonra Azərbaycanda işsizlik səviyyəsi təxminən üç dəfə azalıb, minimum əmək haqqı 68, orta aylıq əmək haqqı isə 20 dəfədən çox artıb. |
 Müsavat Partiyası müxalifət düşərgəsində fəaliyyət göstərən partiyalardan yalnız Azərbaycan Xalq Cəbhəsi Partiyası (AXCP) ilə müttəfiq ola biləcəyini açıqlayıb. Partiyanın Məclis sədri Sülhəddin Əkbər APA-ya açıqlamasında Müsavatın müttəfiqlik kriteriyalarını artıq müəyyənləşdirdiyini, yalnız real müxalifət mövqeyində olan və real siyasi gücə malik partiyalarla müttəfiq olacaqlarını bildirib. S. Əkbər hazırda həm siyasi mövqeyinə, həm də real gücünə görə Müsavat Partiyasının məhz AXCP ilə müttəfiqlikdə maraqlı olduğunu bildirib. |
 ATƏT- də Dağlıq Qarabağ münaqişəsinin qısa müddətdə nizamlanacağına ümid edirlər. Ermənistan - Azərbaycan münaqişəsinin nizamlanması ətrafında danışıqlar prosesinin fəallaşması münaqişənin qısa müddətdə həllinə ümid verir, - ATƏT-in Parlament Assambleyasında Dağlıq Qarabağ münaqişəsi üzrə məruzəçisi Qoran Lennmarker (Goran Lennmarker) hesab edir. |
 Azərbaycan Xalq Cəbhəsi və Müsavat partiyaları müxalifətin yeni birliyinin yaranmamasına görə bir - birini ittiham edirlər. «Müsavat Partiyasının tutduğu mövqe müxalifətin birliyinin yaranmasına mane olur», - cümə günü TrendNews - a müxalifəti təmsil edən sağ-mərkəzçi Azərbaycan Xalq Cəbhəsi Partiyası (AXCP) sədrinin müavini Fuad Mustafayev bildirib. Seçkidən sonra müxalifətin daha geniş koalisiyada birləşməsi istiqamətində danışıqlar başlasa da, qarşılıqlı ittihamlar üzündən müxalifətin geniş koalisiyasının yaranması baş tutmur. |
 Azərbaycan BMT tərəfindən transmilli boru kəmərlərinin təhlükəsizliyi məsələsi üzrə zəmanətin alınmasının zəruriliyi barədə Türkmənistanın təşəbbüsünü dəstəkləyib”, - Türkmənistan prezidenti Qurbanqulı Berdıməhəmmədov cümə günü Aşqabadda ilk rəsmi səfərdə olan Azərbaycan prezidenti İlham Əliyevlə keçirilmiş görüşün yekunları üzrə bildirib. |
 “Mən hesab etmirəm ki, Avropa Şurası Dağlıq Qarabağ münaqişəsinin həlli üçün ideal forum olsun”. Bu sözləri bu gün Strasburgda AŞ Nazirlər Komitəsinin yeni sədri, Ispaniyanın XİN başçısı Miquel Anhel Moratinos AŞ-də təşkil olunan mətbuat konfransında deyib. Konfransda Isveçin xarici işlər naziri Karl Bildt ve AŞ bas katibi Terri Devisin də iştirak ediblər. Moratinos bildirib ki, münaqişənin həlli üçün digər forumlar var. |
 Gürcüstan, Azərbaycan Ukrayna və Moldovanın xarici işlər nazirləri Helsinki görüşünün yekunu üzrə GUAM-ın virtual mərkəzinə mütəşəkkil cinayətkarlıq ilə mübarizədə öz fəaliyyətini fəallaşdırmağa imkan verəcək kriptoqrafik müdafiə haqqında protokol imzalayacaqlar. GUAM-ın Baş katibi Valeri Çeçelaşvili cümə günü Kiyevdən telefonla Trend News-a bildirib ki, GUAM-ın Xarici İşlər Nazirləri Şurasının iclası ATƏT-in xarici işlər nazirlərinin dekabrın 4-5-də Finlandiya paytaxtında keçiriləcək illik iclasında iştirak çərçivəsində təşkil olunacaq. |
 Azərbaycan prezidenti İlham Əliyev bəzi fərmanlar və sərəncamlarda dəyişikliklər və əlavələr edilməsi barədə fərman imzalayıb. Azərbaycan prezidenti İlham Əliyev daşınmaz əmlak obyektlərinin ünvanları barədə sistemləşdirilmiş məlumat bazasının yaradılmasını təmin etmək məqsədi ilə fərman imzalayıb. |
 “Azərbaycan və Türkmənistan öz enerji tələbatlarını təmin etməklə, dünyanın enerji təhlükəsizliyində vacib rol oynayırlar”, - Azərbaycan prezidenti İlham Əliyev cümə günü Aşqabadda bildirib. Dövlət başçısının sözlərinə görə, Azərbaycan və Türkmənistan arasında münasibətlər daimi inkişafdadır və dinamikliyi ilə fərqlənir. “Ölkələrimizin eyni coğrafiyada yerləşməsi münasibətlərimizin inkişafına yeni imkanlar açır. |
 Türkmənistanda rəsmi səfərdə olan Azərbaycan prezidenti İlham Əliyevin cümə günü ölkənin prezidenti Qurbanqulu Berdiməhəmmədovla təkbətək görüşü olub, AzərTac dövlət agentliyi məlumat yayıb. Görüşdə iki ölkə arasında münasibətlərin müxtəlif sahələrdə inkişafından məmnunluq ifadə olunub, əlaqələrin daha da genişlənəcəyinə əminlik vurğulanıb |
 Azərbaycan ilə Rusiya arasında elektrik enerjisinin alqı-satqısına dair müqavilənin müddəti 2008-ci ilin dekabr ayının sonuna qədər uzadılıb. Bu barədə «APA-Economics»ə «Azərenerji» ASC-dən məlumat verilib. Artıq cari ilin noyabr ayının sonunda başa çatan bu müqavilənin şərtlərinə heç bir dəyişiklik edilməyib. Belə ki, sənədə əsasən, Rusiya pik saatlarında Azərbaycandan 1 kVt/saatı 0,6 sent olmaqla elektrik enerjisi alır. |
 Azərbaycan gələcəkdə hərbi sahədə qanunvericlik aktlarına yenidən baxacaq. «Müdafiə, təhlükəsizlik, xüsusən də hərbi iş ilə əlaqədar olan qanunların monitorinqi aparılacaq, sənədlərə hansı əlavə də dəyişikliklər edilməsi zərurəti öyrəniləcək və yenidən işlənəcək», - bu barədə parlamentin Təhlükəsizlik və müdafiə məsələləri daimi komissiyasının cümə axşamı keçirilən iclasında birinci vitse-spiker Ziyafət Əsgərov bildirib. |
 “Rusiya, Azərbaycan və Ermənistan prezidentlərinin Moskvada imzaladıqları sənəd saziş deyil, siyasi Bəyannamə idi. Burada münaqişənin necə həll olunmasına dair ölkələrin mövqelərini əks etdirən Bəyannamədən söhbət gedir”. APA-nın məlumatına görə, bu sözləri Azərbaycan prezidenti İlham Əliyev İtaliyanın “Rai İnternational” telekanalına müsahibəsində deyib. Dövlət başçısı həmin Bəyannamənin üç vacib elementini xüsusi vurğulayıb: “İlk növbədə, bu sənəd Azərbaycan və Ermənistan arasında imzalanıb, Dağlıq Qarabağla yox. |
 Noyabrın 27-də Avropa Şurasında (AŞ) quruma üzv olan ölkələrin sınaq xidməti rəhbərlərinin toplantısı keçirilib. APA-nın Avropa bürosunun xəbərinə görə, bu məsələ ilə bağlı AŞ-nın cəzaçəkmənin alternativ yollarına dair tövsiyyəsi də var . Konfransın keçirilməsində əsas məqsəd cəzaların icrasının başqa formalarını inkişaf etdirmək, Avropada müasir və insani cəza siyasətini yaymaqdır. Tədbirdə əsasən AŞ ölkələrində sınaq xidmətlərinin elektronik nəzarət və digər texniki nəzarətlər sahəsindəki rolu müzakirə edilib. |
 Dekabrın 2-də Bakıda «Microsoft Azerbaijan» şirkəti tərəfindən «Funksional uyğunluq və innovasiyalar» mövzusunda konfrans keçiriləcək. İKT Mərkəzindən «APA-Economics»ə verilən məlumata görə, konfrans azərbaycanlı İT mütəxəssislər üçün təşkil olunacaq. Tədbirdə «Microsoft» şirkətinin Mərkəzi və Şərqi Avropada texnologiyalar üzrə baş direktoru və meneceri Vilfrid Qrommen də iştirak edəcək. |
 Ermənistan xarici işlər naziri Edvard Nalbandyan Türkiyə xarici işlər naziri Əli Babacanı Ermənistana dəvət edəcəyini bildirib. Bu barədə Türkiyənin «Zaman» qəzeti məlumat verib. Dəvətin 2009-cu ilin aprelində Yerevanda keçiriləcək Qara Dəniz İqtisadi Əməkdaşliq Təşkilatının toplantısı çərçivəsində baş tutacağı gözlənilir. |
 Azərbaycan mətbuatının nümayəndələri yerli Qeyri - Hökumət Təşkilatlarının (QHT) əksəriyyətinin konkret bir sahə üzrə ixtisaslaşmamasından narazıdırlar. «Media numayəndələri hesab edir ki, QHT-lərin konkret sahə uzrə ixtisaslaşmaması ciddi problemlər yaradır», - bu barədə mətbuat nümayəndələri üçün QHT-KİV əməkdaşlığına dair keçirilən seminarda Tərəfsiz Jurnalistlər Birliyinin rəhbəri Elşad Eyvazlı bildirib. 15 jurnalistin iştirak etdiyi bu seminarda jurnalistlər QHT-lərin öz işini ictimaiyyətə çatdırması ilə bağlı problemlər barədə fikir mübadiləsi aparıblar. |
 Ermənistanın Azərbaycana qarşı hərbi təcavüzü nəticəsində azəbaycanlı qadınlar etnik mənsubiyyətinə görə zorakılığa məruz qalıblar. «Ermənistan Azərbaycan torpaqlarını işğal etdiyi zaman azərbaycanlı qadınlar ermənilər tərəfindən əsir və girov götürülüb və orada saxlnılan zaman zorakılığa məruz qalıblar», - cümə axşamı Qadınlara qarşı zorakılığın aradan qaldırılması uğrunda beynəlxalq mübarizə gününə həsr olunmuş konfransda Azərbaycanın Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib. |
|
|
