Hörmətli oxucular!
|
 Fransada yaşayan məşhur Azərbaycanlı alim İrene Melikoff 91 yaşında vəfat edib. Cümə günü Diaspora ilə iş üzrə Dövlət Komitəsindən verilmiş məlumata görə alim son ayda Strasburq xəstəxanasında müalıcə alırdı. İrene Melikoff 1917-ci ildə Sankt-Peterburqda anadan olmuşdur və şərq dilşünası ixtisası üzrə Sorbonna Universitetinin ədəbiyyat fakultəsini bitirmişdir. |
 ATƏT Dağlıq Qarabağ münaqişəsinin nizamlanması prosesinin vəziyyətinə dair hesabat hazırlayacaq. İsveç parlamenti Beynəlxalq Departamentinin böyük müşaviri Enn-Sofi Lindenbaumun cümə axşamı Stokholmdan telefonla Trend News-a verdiyi məlumata görə, hesabat ATƏT-in Parlament Assambleyasının xüsusi nümayəndəsi Qoran Lenmarkerin fevralın 9-10-da regiona səfərindən sonra hazırlanacaq. |
 Gürcüstanda yaşayan azərbaycanlılar Azərbaycan hökuməti tərəfindən onların problemlərinə lazımi diqqətin ayrılmamasından şikayətlənirlər. “Gürcüstan azərbaycanlıları milli şüuru itirmək həddindədirlər. Onlar Gürcüstan cəmiyyətinə inteqrasiya deyil, assemilyasiyaya məruz qalırlar. Gürcüstan azərbaycanlıları bu məsələdən çox ciddi narahatdırlar və onun həllini həm Gürcüstan, həm də Azərbaycan hökumətindən tələb edirlər”, - cümə günü TrendNews-a Nəsib Nəsibli, Azərbaycan parlamentinin müxalif “Müsavat” deputat qrupunun üzvü bildirib. |
 Azərbaycanın “İrəli” İctimai Birliyinin (İB) ölkənin şəhər və rayonları üzrə təşkilatlanması fevralda başa çatdırılacaq. “İrəli” İB-nin Bakının Nəsimi, Səbail, Əzizbəyov, Nərimanov rayonlarında 11 nəfərlik idarə heyətləri formalaşdırılıb, cümə günü TrendNews-a “İrəli” İctimai Birliyinin rayon və şəhər təşkilatları formalaşdırmaq üzrə təşkilat komitəsindən məlumat verilib. |
 Yaxın vaxtlarda Azərbaycanda Ermənistan - Azərbaycan münaqişəsi şəhidlərinin ailə üzvlərinin hərbi xidmətdən azad edilməsi gözlənilmir. Ölkə qanunvericiliyində Ermənistan - Azərbaycan münaqişəsi şəhidlərinin ailə üzvlərinin hərbi xidmətdən azad edilməsi barədə bəndin qəbulu Azərbaycanda indi də, gələcəkdə də gözlənilmir, - Azərbaycan parlamentinin Təhlükəsizlik və müdafiə məsələləri daimi komissiyasının sədr müavini, Milli Məclisin deputatı Aydın Mirzəzadə cümə günü Trend News - a bildirib. |
 Bakıda istehlak müddəti başa çatmış ərzaq məhsullarının satışının qarşısı alınıb. Bu barədə APA-ya Daxili İşlər Nazirliyinin mətbuat xidmətindən bildirilib. Məlumata görə, DİN Baş Mütəşəkkil Cinayətkarlıqla Mübarizə İdarəsi əməkdaşlarının keçirdkləri əməliyyat tədbirləri nəticəsində Bakı şəhər sakini Camal Abdullayev müddəti bitmiş 1498 ədəd Gürcüstanda istehsal olunmuş limonadı və Rusiya Federasiyasında istehsal olunmuş 84 ədəd biskviti satarkən saxlanılıb. |
 ATƏT-in Minsk Qrupunun həmsədrləri bu ay regiona səfər edəcəklər. Bu barədə APA-ya açıqlama verən Minsk Qrupunun Fransadan olan həmsədri Bernar Fasie səfərin dəqiq tarixinin müəyyənləşdirilmədiyini deyib. Səfərin yanvar ayının ikinci yarısında gerçəkləşəcəyi gözlənilir. |
 Yanvarın 9-da Azərbaycan Yazıçılar Birliyində (AYB) Hollandiyada yaşayan azərbaycanlı yazıçı Gülşən Lətifxanın “Azər və Aida” romanının təqdimat mərasimi keçirilib. APA-nın məlumata görə, təqdimat mərasimində AYB sədri yazıçı Anar bildirib ki, “Azər və Aida” romanı Qarabağ mövzusunda son illərdə yazılan dəyərli əsərlərdən biridir. AYB-nin birinci katibi Fikrət Qoca isə bildirib ki, roman həm bədii, həm də məzmun cəhətdən orijinal üslubda işlənib: |
|
|
