NATO ilə Azərbaycan arasında imzalanmış Fərdi Tərəfdaşlıq Planına (FTP) uyğun olaraq martın 11-də NATO Məktəbində keçirilən tədbirlərin planlaşdırıcıları mövzusunda Almaniyanın Oberammerqau şəhərində seminar keçiriləcək. Bu barədə APA-ya Müdafiə Nazirliyinin mətbuat xidmətindən bildirilib. FTP-yə əsasən 14 mart -28 mart tarixlərində “Yırtıcı Şahin-2010” təlimi Qətar Dövlətinin Doha şəhərində baş tutacaq. Azərbaycanın Fərdi Tərəfdaşlığın Əməliyyat Planı (FTƏP) və PAP proqramları çərçivəsində ekspert məsləhətləşmə görüşü 15-19 mart tarixlərində Bakıda baş tutacaq. TU.563 taktiki səviyyədə hərbi-mülki əməkdaşlıq kursu (CİMİC)
martın 15-dən 26-dək Ankara şəhərində olacaq. Silahlı Münaqişə Hüququ kursu da Ankarada martın 15-dən iyulun 17-dək davam edəcək.
Azərbaycan-Pakistan ikitərəfli əməkdaşlıq planına əsasən isə MTT Qərargah kursu
Pakistanda baş tutacaq.
Sabitlik, təhlükəsizlik, keçid dövrü və yenidənqurma proqramı üzrə seminar
16.03-02.04.2010 tarixlərində Almaniyanın Qarmiş şəhərində keçiriləcək.
İspaniyanın Madrid şəhərində keçiriləcək Mülki-hərbi əməkdaşlıq (CİMİC) kursu
martın 16-dan 18-dək davam edəcək. Bundan başqa, Gürcüstanın Tiflis şəhərində martın 17-dən 18-dək “Eternity 2010” təliminin İlkin planlaşdırma konfransı keçiriləcək. Tədbirlərdə Azərbaycan hərbçiləri də iştirak edəcəklər./APA/