Azərbaycan Daxili Qoşunlarının yaranmasının 18-ci ildönümü ərəfəsində Nərimanov rayonundakı "N" saylı hərbi hissədə zabitlər üçün yaşayış kompleksi açılıb. Trend News-un məlumatına görə, beşmərtəbəli 60 mənzilli binanın açılış mərasimində daxili işlər naziri Ramil Usubov iştirak edib.1, 2 və 3 otaqlı mənzilləri olan bina su, istilik və elektrik sistemi ilə təchiz olunub.
Nazir müasir tələblərə cavab verən mənzillərin orderlərini zabitlərə təqdim edib.
Mərasimdə çıxış edən Daxili Qoşunların komandanı, general-leytenant Zakir Həsənov Ali Baş Komandan İlham Əliyevin Silahlı Qüvvələrə, o cümlədən, Daxili Qoşunlara xüsusi diqqətindən, hərbçilərin sosial vəziyyətinin yaxşılaşdırılması istiqamətində gördüyü işlərdən danışıb.
Zabitlər və ailələri onlara göstərilən diqqət və qayğıya görə Ali Baş Komandana minnətdarlıqlarını bildiriblər.
Daxili işlər naziri yeni istifadəyə verilən mənzillərdəki şəraitlə də tanış olub.
Bundan öncə DQ-nin zabitləri üçün Gəncə, Lənkəran və Zaqatalada yaşayış kompleksləri açılıb.
12 mart Daxili Qoşunların yaranma günüdür. 12 mart 1992-ci ildə DQ-nin Biləcəri, Sumqayıt, Gəncə hərbi hissələri erməni işğalçıları ilə döyüşə başlayıb, ərazi bütövlüyümüz uğrunda Ağdam ərazisində vuruşublar. Rəmzi olaraq həmin döyüş günü DQ-nin günü kimi müəyyən edilib./Trend/