
ATƏT PA sədri Joao Suareş artıq Dağlıq Qarabağ probleminin həlli vaxtının çatdığına əmindir. APA-nın PanARMENIAN.Net-ə istinadən verdiyi məlumata görə, Suareş bu barədə Ermənistan parlamentinin spikeri Ovik Abramyanla görüşündə bildirib. Görüşdə ATƏT PA sədri Dağlıq Qarabağ münaqişəsinin tezliklə həll olunmasını arzuladığını vurğulayıb.
Ermənistan parlamentinin spikeri isə öz növbəsində problemin ATƏT-in Minsk qrupu çərçivəsində sülh danışıqları vasitəsilə həll olunmasına tərəfdar olduğunu bəyan edib./APA/