Azərbaycan Ermənistan və Dağlıq Qarabağın Qarabağ münaqişəsinin həllində maraqlı olmadıqları görüntüsünü yaratmaq istəyir. APA-nın PanARMENIAN.Net-ə istinadən verdiyi məlumata görə, bu barədə Fransanın Le Figaro qəzetinə müsahibəsində Ermənistan prezidenti Serj Sarkisyan bildirib. «Biz ziyanımıza işləyən blokadaya son qoymalıyıq. Azərbaycanın vəziyyəti başqa gürdür. O öz təbii resursları və neft dollarlarının köməyilə silahlanmağa və münaqişəni hərbi yolla həll etməyə ümid edir. Bakı öz məqsədini gizlətmir», deyə Sarkisyan bəyan edib.
Ermənistan prezidentinin sözlərinə görə, müharibə arzuolunmazdır və ondan qaçmaq lazımdır. «Biz lazım gəlsə döyüşməkdən qorxmuruq. Lakin bizim mövqeyimiz məsələnin sülh yolu ilə, güzəştlər əsasında həll olunmasından ibarətdir», deyə o bildirib./APA/