AŞPA-nın 33 nəfərlik missiyası Azərbaycanda prezident seçkilərini müşahidə edəcək

Namizədlər həftə ərzində ümumilikdə 6 saat ödənişsiz efir vaxtından yararlanacaqlar
Çin Beynəlxalq İdxal Sərgisində 57,8 milyard dollarlıq razılaşmalar əldə olunub
Direktor: “İşsizin DOSTu” proqramı çərçivəsində 16 minədək şəxs işə götürülüb”

Avropa Şurası Parlament Assambleyasının (AŞPA) müşahidə missiyası Azərbaycanda keçiriləcək prezident seçkilərini müşahidə edəcək.

AZƏRTAC sechki-2018.az saytına istinadla xəbər verir ki, bu barədə AŞPA-nın ictimaiyyətlə əlaqələr departamenti məlumat yayıb.

Məlumatda bildirilir ki, 33 nəfərlik nümayəndə heyətinə rumıniyalı deputat Viorel Rikard Badea rəhbərlik edəcək. Onlar ATƏT Parlament Assambleyası və ATƏT-in Demokratik Təsisatlar və İnsan Hüquqları Bürosunun müşahidəçiləri ilə birlikdə seçkiləri izləyəcəklər.

Missiyanın namizədlər və ya onların nümayəndələri, siyasi partiya rəhbərləri və Mərkəzi Seçki Komissiyasının sədri ilə görüşləri nəzərdə tutulur. Nümayəndə heyətinə səfər zamanı Venesiya Komissiyasının üzvü – Avropa Şurasının müstəqil hüquqi ekspertlər qrupu hüquqi yardım göstərəcək.

Missiyanın aprelin 10-da Bakıya gəlməsi gözlənilir. Onlar seçki ilə bağlı ilkin rəylərini aprelin 12-də açıqlayacaqlar.