AVCİYA seçki ilə əlaqədar seminarları davam etdirir

Ramil Usubov: Ötən il 2698 cinayət törətmiş 1028 cinayətkar qrup zərərsizləşdirilib
Azərbaycan, Rusiya və Monqolustan prezidentləri cüdo üzrə dünya çempionatının qarışıq komanda yarışlarına baxırlar
Azərbaycanın Birinci vitse-prezidenti Mehriban Əliyeva ilin idman təşkilatçısı elan edilib

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) regionlarda seçki ilə əlaqədar seminarları davam etdirir. AVCİYA-nın mətbuat xidmətindən APA-ya verilən məlumata görə, assosiasiyanın seçki qərargahı Şirvan, Hacıqabul, Sabirabad, Salyan rayonlarında prezident seçkilərini müşahidə edəcək şəxslər üçün seminarlar keçirib.

AVCİYA Şirvan regional ofisinin təşkilatçılığı ilə 3 gün ərzində keçirilən seminarlarda  seçki qərargahının rəhbəri Məhərrəm Zülfüqarlı məruzə edib. O, AVCİYA-nın əvvəlki seçkilərdəki fəaliyyəti, bu ilin əvvəllərindən təqvim planı əsasında görülən işlər barədə geniş məlumat verib. Bundan sonra məruzəçi müşahidəçilərin hüquq və vəzifələri, seçki günü müşahidəçilərin 3 mərhələdə, seçki başlanmazdan əvvəl, səs vermə prosesi və səslərin sayılması zamanı görəcəkləri işlər barədə seminar iştirakçılarını məlumatlandırıb.

Müşahidəçilik fəaliyyətini həyata keçirəcək şəxslərə AVCİYA Seçki Qərargahının hazırladığı “Müşahidəçilər üçün yaddaş kitabçası” da təqdim edilib.

Məlumatda o da qeyd olunub ki, bundan əvvəlki seminar qurumun Xaçmaz regional ofisi tərəfindən keçirilib. Növbəti seminar isə Qəbələ bölgə ofisində keçiriləcək.