AVCİYA Seçki Qərargahı regionlarda fəaliyyətini genişləndirir

Azərbaycan QHT-si ölkədəki seçkiqabağı vəziyyətlə bağlı aralıq hesabatını açıqlayıb
Şamaxıda Mirzə Ələkbər Sabirə həsr edilən kitabların təqdimatı olub
Azərbaycandakı prezident seçkisində “exit-poll”u keçirəcək qurumlardan birinin adı bəlli oldu

«AZƏRBAYCANDA VƏTƏNDAŞ CƏMİYYƏTİNİN İNKİŞAFINA YARDIM ASSOSİASİYASI»nın (AVCİYA) Seçki Qərargahı Prezident seçkiləri ərəfəsi regionlarda öz fəaliyyətlərini daha da genişləndirir. Seçki Qərargahının sədri Məhərrəm Zülfüqarlının rəhbərliyi ilə nümayəndə heyəti iyul ayı ərzində seçkilərə hazırlıqla bağlı bütün regional ofislərdə görüşlər keçirməyi planlaşdırır.

Qərargah üzvləri 12, 14, 15, 16 iyul 2008–ci il tarixlərdə Xaçmaz, Quba, Göyçay, Mingəçevir və Gəncə şəhərlərində olaraq Assosiasiyanın regional ofislərində görüşlər keçirmişlər. Görüşlərdə Seçki Məcəlləsinə edilmiş son dəyişiklər, Venessiya Komissiyasının təklifləri, seçkilərin monitorinqi ilə əlaqədar yerlərdə işin təşkili və s. məsələlər haqqında iştirakçılar məlumatlandırılmışdır. Bundan başqa AVCİYA–nın regional ofislərinə seçkilərin monitorinqinə hazırlıqla bağlı müxtəlif təlimatlar və tapşırıqlar verilmişdir.

Növbəti görüşlər 21, 22, 26, 29, 30 iyulda İsmayıllı, Şəki, Şirvan, Saatlı, Salyan, Lənkəran şəhərlərində keçiriləcək.

AVCİYA Seçki Qərargahı avqustun 1 – dən başlayaraq regionlarda müşahidəçilər üçün treninqlər təşkil etməyi planlaşdırır.