Azərbaycanın ev sahibliyi edəcəyi “Eurovision-2012” mahnı müsabiqəsində iştirak edəcək ölkələrin adları açıqlanıb. APA-nın məlumatına görə, mayda Bakıda keçiriləcək 57-ci “Eurovision” mahnı müsabiqəsində iştirak etmək üçün 43 ölkə müraciət edib. Onların sırasında müsabiqəyə ötən il qayıtmış İtaliya, Macarıstan, Avstriya da var. Həmçinin “Eurovision” mahnı müsabiqəsində son 3 ildə iştirak etməyən Monteneqro da builki yarışmaya qatılacaq. Bununla da “Eurovision-2012”də iştirak edən ölkələrin sayı 2008 və 2011-ci illərdə qazanılmış rekordu təkrarlamış olacaq.

zərbaycanın ev sahibliyi edəcəyi “Eurovision-2012 mahnı müsabiqəsində iştirak edən ölkələrin siyahısının gələn həftə açıqlanması gözlənilir. APA-nın escdaily.com saytına istinadən yaydığı məlumata görə, bu barədə “Eurovision Song Contest”in təşkilatçı məsələlər üzrə direktoru (supervisor) Sietse Bakker deyib. Onun sözlərinə görə, iştirakçı ölkələrin siyahısının gələn həftə açıqlanması nəzərdə tutulur.

"Eurovision" mahnı müsabiqəsinə çəkiləcək video-çarxlar üçün sadə vətəndaşlar arasında elan edilən foto-kastinq dünyanın bir sıra KİV-lərində geniş işıqlandırılıb. İctimai Televiziyadan çərşənbə günü Trend-ə verilən məlumata görə, kastinqlə bağlı növbəti material "Eurovision" mahnı müsabiqəsinin rəsmi internet saytı olan və milyonlarla istifadəçinin aktiv izlədiyi eurovision.tv-də yerləşdirilib.

“İRƏLİ” İctimai Birliyi bu il Bakıda keçiriləcək “Eurovision-2012” mahnı yarışmasının təşkilində iştirak etmək üçün könüllülərin qəbulunu elan edib. Birlikdən APA-ya verilən məlumata görə, təşkilatın rəsmi səhifəsində yerləşdirilən online anket vasitəsilə 1019 nəfər gəncin könüllülük üçün müraciəti qəbul olunub. Qəbul olunan müraciət formalarına ilkin baxışdan sonra, müraciət edənlər 2-6 yanvar 2012-ci il tarixləri arasında “İRƏLİ” Gənclik Mərkəzində təşkil olunmuş könüllülər üçün müsahibə mərhələsinə çağırılıb. Müsahibə mərhələsində xarici dil bilikləri, ünsiyyət bacarığı, intellektual səviyyəsi, dünya görüşü və digər xüsusiyyətlərə görə fərqlənən 418 nəfər “Eurovision-2012” yarışmasının təşkilində könüllü olmaq şansını qazanıblar.

Bakıda keçiriləcək "Eurovision 2012" mahnı müsabiqəsinin konsepsiyası təsdiq olunub. "Eurovision 2012" mahnı müsabiqəsinin Təşkilat Komitəsindən Trend-ə verilən məlumata görə, "Eurovision" müsabiqəsinin konsepsiyası hər il ev sahibi olan ölkə tərəfindən yenilənərək buna uyğun şüar və simvol hazırlanır. Ənənəvi olaraq şounun konsepsiyasını özündə əks etdirən şüar və simvol "Eurovision" mahnı müsabiqəsinin əsas loqosuna əlavə edilir. Hər iki element müsabiqənin keçirildiyi ölkəyə aid olmaqla yanaşı, həm də "Eurovision" layihəsinin mahiyyətinə uyğun seçilməlidir.

Gələn ilin mayında Bakıda keçiriləcək "Eurovision-2012" mahnı yarışması ilə bağlı promo-video çarxların çəkilişləri üçün ilkin addım atılıb. Trend-in İctimai Televiziya və Radio Yayımları Şirkətinin rəsmi saytına istinadən verdiyi məlumata görə, "Eurovision-2012" İşçi qrupu bu prosesi həyata keçirmək üçün elan verib. Azərbaycanı "Eurovision" mahnı müsabiqəsinin promo-video çarxlarında təmsil etmək istəyənlər üçün yaş məhdudiyyəti yoxdur. Bunun üçün namizəd şəklini və özü haqqında məlumatı "Eurovision-2012" İşçi qrupuna göndərməlidir.

Gələn ilin mayında Bakıda keçiriləcək "Eurovision 2012" mahnı müsabiqəsinə gələcək qonaqlara yalnız sertifikat almış bələdçilər xidmət göstərə biləcək. Bunu çərşənbə axşamı Trend-ə Mədəniyyət və Turizm Nazirliyi nəzdində Azərbaycan Turizm İnstitutunun prorektoru Eldar Aslanov deyib. O bildirib ki, "Eurovision 2012" mahnı müsabiqəsində iştirak etmək üçün paytaxta 30-40 min nəfər gələrsə, onlara xidmət göstərmək üçün 100-150 bələdçi kifayət edəcək.

Azərbaycan Rabitə və İnformasiya Texnologiyaları Nazirliyi «Eurovision-2012» mahnı müsabiqəsinin gələn ilin may ayında Bakıda keçirilməsi ilə bağlı hazırlıq tədbirlərini davam etdirir. Nazirlikdən «APA-ECONOMICS»ə verilən məlumata görə, Nazirlik Bakıda internetə çıxış imkanlarının daha da artırılması üçün müvafiq idarə, müəssisə və provayderlərə tapşırıqlar verib.

Azərbaycan İqtisadi İnkişaf Nazirliyinin Sahibkarlığa Kömək Milli Fondu (SKMF) Bakıda keçiriləcək “Eurovision-2012” mahnı müsabiqəsi ilə əlaqədar elan etdiyi investisiya layihələrinin qəbulunu davam etdirir. Bu barədə SKMF-in icraçı direktoru Şirzad Abdullayev bildirib. Onun sözlərinə görə, artıq kiçik və orta ölçülü xalçaların istehsalı ilə bağlı 3 investisiya layihəsinin maliyyələşdirilməsinə başlanıb.