Bakıda Azərbaycanın NATO-nun Kodifikasiya Sisteminə qoşulması ilə bağlı görüş keçirilib

Lənkəran İstisu və Sağlamlıq Mərkəzinin təqdimatı olub
Siyasi Monitorinq üzrə Müstəqil Amerika Mərkəzinin direktoru: “Azərbaycanda prezident seçkilərinin hazırlıq səviyyəsindən məmnunuq”
Azərbaycan Prezidenti İlham Əliyev Rusiyanın daxili işlər nazirini qəbul edib

Müdafiə Nazirliyində Azərbaycan Respublikasının NATO-nun Kodifikasiya Sisteminə (NKS) qoşulması ilə əlaqədar tanışlıq məqsədli görüş keçirilib.

Bu barədə “Report”a nazirliyin mətbuat xidmətindən məlumat verilib.

Görüşdə Bakıda səfərdə olan NATO Dəstək Agentliyinin mütəxəssisləri tərəfindən Azərbaycan Respublikasının aidiyyəti dövlət qurumlarının nümayəndələrinə NKS haqqında ətraflı məlumat verilib.

Müdafiə Nazirliyinin və digər aidiyyəti dövlət qurumlarının nümayəndələrinin birgə iştirakı ilə keçirilən tədbirlərdə sistemin təqdimatı keçirilib, həmçinin onun faydaları, qoşulma prosedurları və digər məsələlər ətrafında müzakirələr aparılıb.