Dövlət Komitəsi zorakılığa məruz qalan uşaqların əlamətlərini açıqlayıb

Şvıdkoy: “Rusiya Azərbaycan ilə Ermənistan arasında humanitar əlaqələrin qurulmasında vasitəçi olmağa hazırdır”
Azərbaycanlıların soyqırımının 100 illiyinə həsr olunan növbəti konfrans Qusarda təşkil ediləcək
Prezident İlham Əliyev Avropa İttifaqının xüsusi elçisinin başçılıq etdiyi nümayəndə heyətini qəbul edib

Ailə, Qadın və Uşaq Problemləri üzrə Dövlət Komitəsi valideynlərə müraciət edib.

“Report” xəbər verir ki, Dövlət Komitəsinin müraciətində uşaqların zorakılığa məruz qalıb-qalmadığını müəyyənləşdirmək üçün bir sıra əlamətlər açıqlanıb.

Müraciətdə valideynlərə övladlarının zorakılığa məruz qalıb-qalmadığını anlamaq üçün uşaqlarda aşağıdakı əlamətlərin olub-olmamasına diqqət yetirmək tapşırılıb.

-Bədəninin hər hansı bir yerində göyərmə, kəsik, sıyrıq, şişlik qırıq, çıxıq və yaxud yara varsa;

-Bu əlamətləri paltarları ilə gizlətməyə çalışırsa;

-Sağalmayan, səbəbi məlum olmayan yaralar;

-Özünə aid əşyaları itirirsə və evə cırıq paltarlarla gəlirsə;

-Həmişəkindən daha çəkingən, içinə qapanıq, və etinasız, süst olursa;

-Sizinlə və ətrafındakılarla ünsiyyətdən qaçırsa;

-Tək qalmağa meyillidirsə;

-Başqalarına inanmırsa;

-Məktəbə getmək istəmirsə, dərsdən qaçırsa;

-Yuxusunda və iştahında dəyişikliklər varsa

-Yatağını islatma, kəkələmə və nitqində ilişmə, gecə kabusları varsa,

-Təhsil naliyyətlərində geriləmə varsa,

-Anormal sakitlik və ya aqressiv davranma, söz dinləməmək, üsyankarlıq varsa;

-Verdiyiniz suallara yalan cavablar verirsə, hekayələr uydurursa;

-Dinlədiyi musiqidə, çəkdiyi şəkillərdə, yazılarında şiddəti göstərən əlamətlər varsa;

-Vücudunun eybəcər olduğunu, cinsi orqanlarında bir problem olduğunu düşünürsə;

– Oyuncaqları ilə və ya başqa uşaqlarla oynayarkən cinsəllik və zorakılıq ehtiva edən hərəkətlərə üstünlük verirsə, onun zorakılığa məruz qaldığını düşünə bilərsiniz.

Report.az