Təqvim
| « Sentyabr 2010 » | Be | Ça | Çr | Ca | Cm | Şb | Bz | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
 ARDNŞ "8 Mart" və "Bulla-dəniz" yataqlarında yerləşən quyularda mobil modem texnologiyalarından istifadə etməklə informasiyanın Geofizika və Geologiya İdarəsindən Kompleks Qazma Trestinə ötürülməsi üçün "RT-Leuza" uzaq müşahidə sistemini quraşdırıb və zəruri tədbirləri görüb. Bu barədə Geofizika və Geologiya İdarəsinin yaydığı məlumatda deyilir. |
 Azərbaycanın Auditorlar Palatası bu ilin sentyabr ayının 14-18-də İstanbulda (Türkiyə) keçiriləcək «Audit və keçmişdən bu günə kimi formalaşmış uçot mədəniyyəti» mövzusunda II beynəlxalq Balkan və Yaxın Şərq ölkələri konfransında iştirak edəcək. Auditorlar Palatasından «APA-ECONOMICS»ə verilən məlumata görə, audit və mühasibat uçotunun tarixinə həsr edilmiş konfrans Türkiyə Uçot və Maliyyə Akademikləri Assosiasiyasının təşkilatçılığı ilə keçirilir. |
 BMT-nin Ərzaq və Kənd Təsərrüfatı Təşkilatı (FAO) dünyada ərzağın son iki il ərzində ilk dəfə olaraq maksimum həddə çatdığını bəyan edib. “APA-ECONOMICS”in BBC-yə istinadən xəbərinə görə, buna Rusiya ərazisində baş verən quraqlıq və nəticədə ölkədən taxıl ixracına qadağa qoyulması səbəb olub. |
 Sentyabrın 7-8-də Bakıda Bərpa olunan enerji mənbələri üzrə I Qafqaz Forumu və Sərgisi keçiriləcək. Tədbirin Təşkilat Komitəsindən «APA-ECONOMICS»ə verilən məlumata görə, forumun keçirilməsi əsasən ekoloji təmiz texnologiyaların inkişafı, Qafqaz regionunda bərpa olunan enerji sahəsinə investisiya yatırımına neft-qaz şirkətləri, bank və investisiya institutlarının cəlb edilməsi məqsədi daşıyır. Qeyd edək ki, bu tədbirin hər il keçirilməsi planlaşdırılır. |
 Rusiya prezidenti Dmitri Medvedevin Azərbaycana rəsmi səfəri zamanı 2011-2012-ci illərdə Azərbaycanın Rusiyaya satacağı təbii qazın həcminin artırılması barədə saziş imzalana bilər. Rusiya prezidentinin köməkçisi Sergey Prixodko bu barədə bəyan edib. |
 ARDNŞ-nin (Azərbaycan Dövlət Neft Şirkəti) Ekologiya İdarəsi qazma prosesində istifadə olunan məhlulların və onların ayrı-ayrı komponentlərinin dəniz mühitinə və dəniz orqanizmlərinə təsirinin monitorinqini keçirib. Bu barədə ARDNŞ-nin məlumatında deyilir. |
 Hazırda Azərbaycan 106 dollar təşkil edən baza pensiyasının səviyyəsinə görə, MDB-də ikinci yeri tutur. Bu barədə çərşənbə günü jurnalistlərə Dövlət Sosial Müdafiə Fondunun sədri Səlim Müslümov deyib. Onun sözlərinə görə, Qazaxıstanda əmək pensiyasının baza hissəsi 124,2 dollar, Rusiyada 90,2 dollar, Belarusda 82,1 dollar təşkil edir. |
 Gələn ilin sentyabrına qədər Xəzər dənizində İranın yeni Astara limanı istismara veriləcək. Bu barədə İSNA agentliyi İranın Gilan vilayətinin Gəmiçilik İdarəsinin rəhbəri Fərhad Müntəsər Kuhsariyə istinadən məlumat verib. Kuhsarinin sözlərinə görə, limanın tikintisinə 30 milyon dollar özəl sərmayə qoyulub və 10 milyon dollar ölkənin Gəmiçilik İdarəsi tərəfindən ayrılıb. |
 Azərbaycan Nəqliyyat Nazirliyinin "Azəryolservis" SC "Masallı-Astara" avtomobil yolunun yenidənqurulması layihəsinə daxil olan "Cənub" nəqliyyat dəhlizi layihəsinin həyata keçirilməsi çərçivəsində tender elan olunub. Tender Masallı-Astara avtomobil yolunda "B" sahəsi (22,15-45 kilometr (22,85 kilometr uzunluğunda ikizolaqlı yol, 11 körpü, drenaj sisteminin qurulması), "C" sahəsinin (45-61, 4 kilometr) (16,4 kilometr uzunluğunda ikizolaqlı yol, 7 körpü və drenaj sisteminin qurulması) inşasını nəzərdə tutur. |
 2010-cu ilin yanvar-iyun aylarında ABŞ Azərbaycandan 2009-cu ilin yanvar-iyun aylarında idxal edilmiş 11,3 milyon barel neftə nisbətdə 10,4 milyon barelə yaxın neft idxal edib. Bu barədə ABŞ Dövlət Enerji İnformasiya İdarəsinin (EIA) məlumatında deyilir. |
 2011-ci ildə dövlət büdcəsində neftin qiyməti bir barel üçün 60 dollar təşkil edə bilər. Bu barədə çərşənbə axşamı Azərbaycanın maliyyə nazirinin müavini Azər Bayramov bildirib. "Avqustda İqtisadi İnkişaf Nazirliyinin təqdim etdiyi proqnozlara əsasən, gələn il dövlət büdcəsində neftin bir barelinin qiyməti 60 dollar təşkil edə bilər", - nazir müavini deyib. |
 Azərbaycanda yanacağın bahalaşması gündəmdə deyil. Gürcüstanda səfərdə olan ARDNŞ prezidenti Rövnəq Abdullayev APA-nın yerli bürosunun sualını cavablandırarkən belə deyib. Onun sözlərinə görə, ARDNŞ-nin Gürcüstana investisiya qoyuluşu davam edir: “Biz bu il yanacaqdoldurma məntəqələrinin sayını 60-a çatdıracağıq. |
 2010-cu ildə Qazaxıstanla Azərbaycan arasında mal dövriyyəsinin artırılması nəzərdə tutulub. Bu barədə Qazaxıstanın Azərbaycandakı fövqəladə və səlahiyyətli səfiri Serik Primbetov bazar ertəsi mətbuat konfransında bildirib. "Münasib dövrdə ölkələr arasında mal dövriyyəsi ildə 400 milyon dollara yaxın, 2007-ci ildə 405 milyon dollar, 2008-ci ildə 465 milyon dollar təşkil edib; 2009-cu ildə isə o, dünya maliyyə böhranı və taxılın satış həcminin azalması ilə əlaqədar, təxminən, yarıbarı - 236 milyon dollaradək aşağı düşüb", - Primbetov bildirib. |
 Azərbaycan yaxın bir neçə il ərzində nəqliyyat sahəsində yeni layihələrin icrasına başlamaq niyyətindədir. Azərbaycan Nəqliyyat Nazirliyindən «APA-ECONOMICS»ə verilən məlumata görə, yeni layihələr sırasına Bakı buxtasında 26,6 km uzunluğunda (su üzərindən keçən hissəsi 13,3 km) olan körpünün inşası, uzunluğu 105 km olan Quba-Şamaxı yolunun tikintisi, uzunluğu 405 km olan Hacıqabul-Gürcüstan sərhədi avtomagistralının tikintisi və Bakı-Sumqayıt dəmir yolunun inşası daxildir. |
 Türkiyə, bəzi Qərb ölkələrinin tətbiq etdikləri sanksiyalara baxmayaraq, İranla birgə layihələri davam etdirəcəyini bildirir. Bu barədə Türkiyənin sənaye və ticarət naziri Nihad Ergün NTV telekanalına müsahibəsində deyib. Bundan əvvəl, avqust ayında Türkiyənin energetika naziri Taner Yıldız demişdi ki, Ankara, ABŞ-ın İslam Respublikasına qarşı tətbiq etdiyi birtərəfli sanksiyalara baxmayaraq, İrana benzin ixrac edən türk şirkətlərini dəstəkləyir. |
 Hal-hazırda ARDNŞ-in (Azərbaycan Dövlət Neft Şirkəti) Avstriya Nümayəndəliyinin əsas məqsədi bazarın tədqiqinin aparılması və ARDNŞ üçün lazım bütün məlumatların toplanılmasından ibarətdir. Bu barədə ARDNŞ-in Avstriyadakı Nümayəndəliyinin rəhbəri Gülmirzə Cavadov bildirib. Onun sözlərinə görə, nümayəndəlik bazarın tədqiqi üzrə işlər aparır, bütün konfranslarda fəal iştirak edir. |
 Azərbaycan Türkiyəyə qaz ixracını gündə 16 milyon kubmetrədək artırıb. Bu barədə cümə günü ARDNŞ-dən (Azərbaycan Dövlət Neft Şirkəti) məlumat verilib. Bundan əvvəl Azərbaycan qazının Türkiyəyə ixracının sutkalıq həcmi 13-14 milyon kubmetr təşkil edirdi. |
 Dövlət Şəhərsalma və Arxitektura Komitəsi «Azərbaycan regionlarının 2009-2013-cü illərdə sosial-iqtisadi inkişaf Dövlət Proqramı» çərçivəsində Aran, Gəncə-Qazax və Quba-Xaçmaz iqtisadi rayonları üzrə məskunlaşmanın, təbiətdən istifadənin və məhsuldar qüvvələrin ərazi təşkilinin regional planlaşdırma sxemlərinin işlənməsi xidmətlərinin satınalınmasına dair açıq tender elan edib. |
 Bu ilin yayında Rusiyanı bürüyən meşə yanğınlarının vurduğu zərərin həcmi açıqlanıb. “APA-ECONOMICS”in “RİA Novosti”yə istinadən xəbərinə görə, Vəhşi Təbiətin Mühafizəsi Mərkəzinin baş direktoru Aleksey Zimenko meşələrin dövlət idarəetmə sisteminin olmamasının zərərin miqdarının yüksək həddə çatmasına səbəb olduğunu bildirib. |
 İlin sonunadək "Nabucco" layihəsi üçün qazın nəql yollarının müəyyən edilməsi üzrə işlər başa çatacaq. Bu barədə Türkiyənin energetika naziri Taner Yıldız çərşənbə günü Suriya səfiri Nidal Kabalanla görüşdən sonra deyib. Məlumatı Anadolu agentliyi yayıb. "Bütün görüşlərimizdə biz "Nabucco" üçün Azərbaycan, Türkmənistan, İraq və İranı qaz tədarükçüləri qismində nəzərdə tutduğumuzu qeyd edirik. |
 Azərbaycan Prezidenti yanında Dövlət Qulluğu Məsələləri Komissiyası "Namizədlər-DQMK" avtomatlaşdırılmış idarə sisteminin yaradılması və tətbiqi üzrə açıq tender elan edib. Bu barədə DQMK-nin tender komissiyasından verilən məlumatda deyilir. Dövlət Komissiyasının tələblərinə əsasən, sistem İnternet vasitəsilə sənəd qəbulu imkanları ilə müsahibə və müsabiqə əsasında boş yerlərə qəbul bazasını idarə etməyə və həmçinin, "müsabiqə komissiyası üzvləri", "ehtiyat kadrlarla iş", "daxili müsahibə" kimi modulları qoşmağa imkan verəcək. |
 Qaz kəmərində partlayış nəticəsində dayandırılan İran qazının Türkiyəyə verilməsi 7-8 gündən sonra bərpa olunacaq. Bu barədə Türkiyənin energetika və təbii sərvətlər naziri Taner Yıldız çərşənbə günü Suriya səfiri Nidal Kabalanla görüşündən sonra deyib. Məlumatı Anadolu İnformasiya Agentliyi yayıb. |
 TRACEKA (Avropa-Qafqaz-Asiya) nəqliyyat dəhlizinin hökumətlərarası komissiyasının daimi katibliyinin növbəti iclası oktyabrın 12-də Brüsseldə keçiriləcək birinci investisiya forumuna və oktyabrın 13-də elə oradaca keçiriləcək hökumətlərarası illik komissiyanın səkkizinci konfransına bütün zəruri bazanı hazırlayacaq. Bu barədə çərşənbə günü TRACEKA-nın Azərbaycandan olan milli katibi Akif Mustafayev deyib. |
 BMT Türkmənistanın qlobal enerji təhlükəsizliyi, silahsızlaşdırma problemləri, Əfqanıstanda vəziyyətin sülh yolu ilə nizama salınması və digər məsələlərlə bağlı irəli sürdüyü beynəlxalq təşəbbüslərin aktuallığını tanıyır. Türkmənistan hökuməti mətbuat xidmətindən verilən məlumata görə, bu barədə Aşqabadda Türkmənistan Prezidenti Qurbanqulu Berdıməhəmmədovla görüşündə BMT-nin iqtisadi və sosial məsələlər departamentinin məsləhətçisi Aleksey Tixamirov deyib. |
|
|
