Bu ilin oktyabr ayı ərzində Bakı Metropolitenindən 16,8 mln. sərnişin yararlanıb ki, əvvəlki aya nisbətən metrodan istifadə edən sərnişinlərin sayı 10,5% artıb. Dövlət Statistika Komitəsindən «APA-ECONOMICS»ə verilən məlumata görə, cari ilin yanvar-oktyabr aylarında metrodan 149,2 mln. nəfər yararlanıb, bu isə ötən ilin analoji dövrünə nisbətən 0,7% çoxdur.
Qeyd edək ki, 2011-ci ilin ötən dövrü ərzində Bakı Metropolitenində sərnişin daşımasının həcmində ilk dəfə sentyabr ayında (0,3%) artıb.
Xatırladaq ki, 1967-ci ildə istifadəyə verilmiş Bakı Metropoliteninin hazırda 23 stansiyası və 1 deposu var. /APA/