Bu ilin I yarısı ərzində Azərbaycanda fəaliyyət göstərən müəssisə və təşkilatlar, həmçinin fiziki şəxslər tərəfindən 22,5 mlrd. manatlıq və ya keçən ilin müvafiq dövrü ilə müqayisədə 0,9% çox ümumi daxili məhsul (ÜDM) istehsal edilib. Dövlət Statistika Komitəsindən "APA-ECONOMICS"ə verilən məlumata görə, ÜDM-in 66,2%-i məhsul istehsalı sahələrinin (o cümlədən 54,7%-i sənayenin, 6,9%-i inşaat kompleksinin, 4,6%-i kənd təsərrüfatının), 27,9%-i xidmət sahələrinin (o cümlədən nəqliyyata 6,2%-i, ticarət və pullu xidmətə 8,7%-i, rabitəyə 1,7%-i, sosial və digər xidmətlərə 11,4%-i), 5,9%-i isə məhsula və idxala xalis vergilərin payına düşüb.
Hesabat dövründə adambaşına düşən ÜDM istehsalı 2 496,9 manat (3 149,5 ABŞ dolları) təşkil edib ki, bu da ötən ilin ilk 6 ayı ilə müqayisədə 13% çoxdur.
Qeyd edək ki, ÜDM-in istehsalı qeyri-neft sektorunda ötən illə müqayisədə 7,2% artıb, neft sektorunda isə 5,1% azalıb. /APA/