“Azərbaycanda rəsmi qeydiyyatda olan işsizlərin sayı 40 min nəfər, qeyri-rəsmi işsizlərin sayı isə 255 minə yaxındır. Bu, iqtisadi fəal əhalinin 5,5%-ii deməkdir”. “APA-ECONOMICS”in məlumatına görə, bu barədə jurnalistlərə Əmək və Əhalinin Sosial Müdafiəsi Nazirliyi Baş Məşğulluq İdarəsinin rəis müavini Şahbaz Xələfov bildirib. Ş.Xələfov deyib ki, bu ilin 7 ayı ərzində idarə tərəfindən 14 500-dən artıq insan işlə təmin edilib: “Hazırda əmək bazarında 10 minə yaxın iş yeri var. Regionlarda əsas tələbat olan iş yerləri müəllimlik, həkim ixtisasları üzrədir. Bakıda isə daha çox texniki sahələr üzrə işçiyə ehtiyac var”. /APA/