“ELS” və AVCİYA “exit-poll” və “quik-count” tədqiqatlarını keçirməyə tam hazırdır

AVCİYA rəhbərliyi Avropa Şurasının Azərbaycandakı Ofisinin rəsmiləri ilə görüşdü
ATƏT-in müşahidəçiləri AVCİYA-nın regional ofislərində olub
Dağlıq Qarabağla bağlı Ağ evin saytına yerləşdirilən petisiya çərçivəsində BDU-da görüş keçirilib

“ELS” Müstəqil Araşdırmalar Mərkəzi və Azərbaycanda Vətəndaş Cəmiyyətinin İnkişafına Yardım Assosiyasiyası (AVCİYA) 15 oktyabr prezident seçkisi ilə əlaqədar “exit-poll” və “quik-count” tədqiqatlarını keçirməyə tam hazırdır. Belə ki, tədqiqatın keçirilməsi üçün bütün hazırlıq işləri başa çatdırılıb. “Exit-poll” və “quick-count” tədqiqatı üçün lazım olan bütün sənəd və ləvazimatlar hazırlanaraq tədqiqatın keçiriləcəyi məntəqələrə göndərilib.

Tədqiqat 118 seçki dairəsinin 800 məntəqəsini əhatə edəcək. Həmin məntəqələrdə “exit-poll” tədqiqatının həyata keçirilməsinə 1600 intervüer, 220 supervayzer, 100 telefonçu və eyni sayda kompüter operatoru cəlb edilib. Mərkəzdə isə tədqiqatın keçirilməsinə bir-başa nəzarət edəcək 100 nəfərə yaxın komanda-qərargah heyəti fəaliyyət göstərəcək. “Exit-poll” aparılan məntəqələrdə paralel olaraq “quick-count” tədqiqatı da həyata keçiriləcək. “Quick-count”-u həyata keçirəcək heyət də eyni mərkəzdən idarə olunacaq. Bu işə isə 800 müşahidəçi cəlb edilib.

Tədqiqat çərçivəsində 120-160 min anketin toplanması gözlənilir ki, bu da eyni sayda insanın seçiminin öyrənilməsi deməkdir.

Qeyd edək ki, Azərbaycanda “exit-poll” tədqiqatı 4-cü, “quik-count” isə ikinci dəfədir həyata keçirilir.

“ELS” Müstəqil Araşdırmalar Mərkəzi