Ermənilərin azərbaycanlılara qarşı həyata keçirdiyi soyqırımların dünyaya çatdırılması istiqamətində geniş miqyaslı layihəyə başlanıb

Azərbaycan Prezidenti rusiyalı həmkarına başsağlığı verib
Prezident İlham Əliyev və birinci xanım Mehriban Əliyeva Şamaxı Safari Parkında olublar
Prezident İlham Əliyev Ankarada Anıtqəbiri ziyarət edib

Gələn il ermənilərin azərbaycanlılara qarşı həyata keçirdiyi kütləvi soyqırımı aktlarının, cinayətlərin və qırğınlarının 110 illiyi tamam olur. Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA)  bununla bağlı ermənilərin azərbaycanlılara qarşı həyata keçirdiyi soyqırım cinayətlərinin, erməni xislətinin əsl mahiyyətinin dünya ictimaiyyətinə çatdırılması istiqamətində genişmiqyaslı layihəyə start verib. APA-nın xəbərinə görə, layihənin portalı www.1905.az ünvanında fəaliyyətə başlayıb.

BMT-nin işçi dilləri və region dövlətlərinin də dilləri daxil olmaqla, 12 dildə olan sayt hələlik test rejimində işləyir. Bundan başqa, layihə çərçivəsində müxtəlif dillərdə kitabların nəşr edilməsi, beynəlxalq konfransların keçirilməsi, dünya mətbuatında məqalələrin yerləşdirilməsi planlaşdırılır.

“Ümid edirik ki, heç kəs bu layihəyə biganə qalmayacaq və onun həyata keçirilməsində AVCİYA-ya köməklik göstərəcək. Bu layihənin həyata keçirilməsi zamanı KİV nümayəndələrinin üzərinə xüsusi məsuliyyət düşür və AVCİYA onları sıx əməkdaşlığa və ermənilərin azərbaycanlılara qarşı həyata keçirdikləri soyqırımı cinayətlərinə dair materialları daha aktiv şəkildə ictimaiyyətə çatdırmağa çağırır”, – deyə AVCİYA-nın açıqlamasında bildirilir.