Estoniya deputatları Xocalıya dair xüsusi bəyanat veriblər

Azərbaycan yolları keyfiyyətinə görə dünyada 36-cı oldu
“Növbədənkənar Azərbaycan Respublikası Prezidenti seçkilərinin hazırlanıb keçirilməsi üzrə əsas hərəkət və tədbirlərin Təqvim planı”nın təsdiq edilməsi barədə Azərbaycan Respublikası Mərkəzi Seçki Komissiyasının QƏRARI
XİN: Ermənistan başa düşməlidir ki, güc tətbiq edərək ərazi əldə edilməsi cəhdləri qəbuledilməzdir

Estoniya parlamentinin Estoniya-Azərbaycan parlamentlərarası əməkdaşlıq qrupunun rəhbəri Denis Borodiç qrupun üzvləri adından Xocalı soyqırımının 26-cı ildönümü ilə əlaqədar Azərbaycan xalqına dərin hüznlə başsağlığı verib.

Bəyanatda deyilir: “Biz 600 nəfərdən çox insanın, o cümlədən çoxlu sayda uşaq, qadın və qocanın qətlə yetirildiyi Xocalı soyqırımı ilə bağlı Azərbaycan xalqının acısını paylaşırıq. Cinayətin iştirakçılarını və onların 1992-ci il fevralın 25-dən 26-na keçən gecə Xocalı şəhərinin işğalı zamanı dinc sakinlərə qarşı törətdikləri cinayətkar, vəhşi və insanlığa qarşı cinayət əməllərini qətiyyətlə pisləyirik. Bu qanlı qətliamın günahkarları layiq olduqları cəzanı almalıdırlar.

Azərbaycan Respublikasının öz ərazi bütövlüyünün bərpa olunmasına yönəlmiş səylərini dəstəkləyirik. Ermənistan-Azərbaycan, Dağlıq Qarabağ münaqişəsinin sülh yolu ilə nizama salınması bütün regionun inkişafı üçün mühüm amildir”.

Nigar Cəfərli, AZƏRTAC-ın xüsusi müxbiri

Tallinn