“Heydər Əliyev və multikultural dəyərlər” mövzusu müzakirə olundu

Ermənistan silahlı qüvvələrinə məxsus kvadrokopter ələ keçirilib
Azərbaycan Beynəlxalq “Turizm və səyahətlər” sərgisində ilk dəfə sağlamlıq imkanları məhdud gənclərin əl işləri nümayiş olunur
Azərbaycan Silahlı Qüvvələrinin yaranmasından 100 il ötür

Azərbaycan İlahiyyat İnstitutu və Heydər Əliyev İrsini Araşdırma Mərkəzi (www.aliyevheritage.org) tərəfindən Azərbaycanda Vətəndaş Cəmiyyətinin İnkişafına Yardım Assosiasiyasının www.1905.az portalında keçirilən diskussiyalar silsiləsindən “Heydər Əliyev və multikultural dəyərlər” mövzusunda ikinci söhbət sentyabrın 12-də baş tutdu.

Tədbiri giriş sözü ilə açan Heydər Əliyev İrsini Araşdırma Mərkəzinin baş direktoru, siyasi elmlər üzrə fəlsəfə doktoru, əməkdar jurnalist Fuad Babayev birgə tədbir barəsində iştirakçılara ətraflı məlumat verdi və qonaqları təqdim etdi. F.Babayev söhbətin devizini – Heydər Əliyevin “Azərbaycanda heç vaxt dini zəmində heç bir münaqişə, heç bir toqquşma olmamışdır” sözlərini xatırlatdı və iştirakçıları müzakirələrdə fəal olmağa çağırdı.

 

Azərbaycan Respublikası Prezidenti Administarasiyasının Millətlərarası münasibətlər, multikulturalizm və dini məsələlər şöbəsinin böyük məsləhətçisi Əliheydər Zülfüqarov Azərbaycanda multikulturalizm dəyərlərinin formalaşmasında ümummilli liderimiz Heydər Əliyevin rolundan danışdı. Prezident Administrasiyasının rəsmisi bu gün həmin ənənənin Azərbaycan Respublikasının Prezidenti İlham Əliyev tərəfindən uğurla davam etdirildiyini vurğuladı və ölkə ərazisindəki məscid, kilsə və sinaqoqların bərpasında Heydər Əliyev Fondunun xidmətlərini qeyd etdi.

 

Bakı Beynəlxalq Multikulturalizm Mərkəzinin icraçı direktor əvəzi Rəvan Həsənov Azərbaycanı bu gün dünyada multikultural dəyərlərin vətəni kimi xarakterizə etdi. R.Həsənov Azərbaycanın multikultural dəyərlərinin xarici mütəxəssislər tərəfindən dərindən öyrənildiyini və digər ölkələr üçün tövsiyə edildiyini bildirdi.

 

Azərbaycan İlahiyyat İnstitutunun nümayəndəsi, ilahiyyat üzrə fəlsəfə doktoru Aqil Şirinov Azərbaycanda multikulturalizmin tarixindən və bugunkü vəziyyətindən danışdı.

 

“Azadinforma” İnformasiya Agentliyinin baş redaktoru, “Azərbaycanda birgə yaşayış və multikulturalizm”, “Mətbuatda multikulturalizm” kitablarının müəllifi Niyaz Niftiyev multikultural təhlükəsizliyin təmin edilməsində Heydər Əliyevin rolundan və mətbuatda multikulturalizm problemindən bəhs etdi.

 

Azərbaycan İlahiyyat İnstitutunun müəllimi, sosiologiya üzrə fəlsəfə doktoru Asəf Qəmbərov dünyada tətbiq olunan multikulturalizm modelləri barəsində məlumat verdi və Azərbaycan multikulturalizminin özəlliklərini qeyd etdi.

 

Azərbaycan İlahiyyat İnstitutunun müəllimi, fəlsəfə üzrə fəlsəfə doktoru İlkin Əlimuradov müharibə və milli kimlik probleminə toxundu.

 

Tədbirdə həmçinin Heydər Əliyev İrsini Araşdırma Mərkəzinin əməkdaşları Gündüz Nəsibov və Təmkin Məmmədli, Azərbaycan İlahiyyat İnstitutunun əməkdaşları Şəms Bağırova və Ayşən Hüseynova iştirak edirdi.