Leninqrad uğrunda döyüşlərdə həlak olmuş azərbaycanlı əsgərlərin xatirəsi anılıb

Azərbaycanda domen adları sisteminin təhlükəsizliyini qoruyan kriptoqrafiya açarları uğurla dəyişdirilib
Türkiyənin İzmir şəhərində “Star” neft emalı zavodunun açılış mərasimi olub Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan mərasimdə iştirak ediblər
Beynəlxalq müşahidəçiləri səsvermə prosesini necə qiymətləndirir?

Azərbaycanın Sankt-Peterburqdakı baş konsulu Sultan Qasımov Leninqradın faşist blokadasından tamamilə azad olunması gününə həsr olunmuş təntənəli matəm mərasimində iştirak edib. Tədbir Piskaryovo Memorial qəbiristanlığında keçirilib.

Azərbaycanın Sankt-Peterburqdakı baş konsulluğundan AZƏRTAC-a bildiriblər ki, Sultan Qasımov, baş konsulluğun əməkdaşları, Azərbaycan diasporunun nümayəndələri Piskaryovo Memorial qəbiristanlığında Leninqradın faşistlərdən azad olunması uğrunda döyüşlərdə həyatını itirmiş azərbaycanlı əsgərlərin xatirə lövhəsinin önünə gül dəstələri qoyublar.

Leninqradın 1941-ci il sentyabrın 8-dən başlanmış blokadası 900 gün davam edib və 1943-cü il yanvarın 18-də yarılıb. Lakin mühasirəyə tamamilə son qoyulması 1944-cü il yanvarın 27-nə təsadüf edir. Bu il blokada qurbanlarının xatirəsini anmaq üçün 30 minə yaxın insan Sankt-Peterburqdakı Piskaryovo qəbiristanlığına gəlib.

Mərasimdə Peterburqun qubernatoru Georgi Poltavçenko və Prezidentin Şimal-Qərb federal dairəsində səlahiyyətli nümayəndəsi Aleksandr Beqlov, həmçinin RF Federasiya Şurasının sədri Valentina Matvienko iştirak ediblər.

Fəridə Abdullayeva, AZƏRTAC-ın xüsusi müxbiri

Moskva