Mehriban Əfəndinin əsərləri Avropada ən böyük sürrealizm sərgisində təqdim olunacaq

Fövqəladə Hallar Nazirliyi koronavirus təhlükəsi ilə bağlı əhaliyə müraciət edib
Heydər Əliyev Mərkəzində 200-dək unikal musiqi aləti sərgilənəcək
Göyçayda selin dağıtdığı piyada körpüsü bərpa edildi

Dekabrın 23-də Avropada ən böyük sürrealizm sərgisi açılacaq. Bu geniş ekspozisiyada Azərbaycanı Əməkdar Rəssam Mehriban Əfəndi təmsil edəcək.

AZƏRTAC xəbər verir ki, ekspozisiya 2010-cu ildə Avropada yaradılmış “Sürrealizm indi” qrupunun təşkilati dəstəyi ilə Portuqaliyanın Kondeyşa-a-Nova şəhərciyindəki Poros Multimedia Muzeyində təşkil edilir. Sərgidə dünyanın 48 ölkəsindən 100 rəssamın əsərləri nümayiş etdiriləcək.

Ekspozisiyanın kuratoru sürrealist rəssam Santyaqo Ribeyrodur. Azərbaycanlı rəssam “Miriada” və “İmpressiya” əsərlərini təqdim edəcək.

Qeyd edək ki, M.Əfəndi “Beynəlxalq sürrealizm indi” layihəsində 2010-cu ildən iştirak edir. Mehriban xanımın işləri Portuqaliya, ABŞ, Hollandiya, Bolqarıstan, Slovakiya və digər ölkələrdə nümayiş etdirilib.