Türkiyənin Makina və Kimya Sənayesi Təşkilatının (MKEK) 10 nəfərdən ibarət heyəti təlimlərdə iştirak etmək üçün noyabrın 21-də Azərbaycana gələcək. Bu barədə APA-ya Azərbaycan Ərazilərinin Minalardan Təmizlənməsi üzrə Milli Agentliyin (ANAMA) baş əməliyyat mütəxəssisi Adil Aslanov məlumat verib. A. Aslanovun sözlərinə görə, türkiyəli mütəxəssislərə ANAMA-nın Göygöldəki Təlim Bazasında EOD (partlayıcı sursatların zərərsizləşdirilməsi) təlimləri keçiriləcək. Nəzəri və praktik hissələrdən ibarət təlimlər 28 gün davam edəcək. Təlimlər Türkiyə tərəfinin müraciəti əsasında keçirilir.
Qeyd edək ki, bu il ANAMA tərəfindən MKEK mütəxəssisləri üçün 2 təlim kursu keçirilib. /APA/