“Azərbaycanda il ərzində 4 minə yaxın erkən nikah bağlanılır”. APA-nın xəbərinə görə, bunu jurnalistlərə açıqlamasında Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva deyib.  A.Sofiyeva erkən nikahdan doğulan körpələrdə tibbi problemlərin çox olduğunu bildirib: “Milli Məclisdə qızların nikaha daxil olmaq üçün yaş həddi 17 yaşdan 18-ə qaldırıldı. Hesab edirəm ki, bu vacib məsələdir. Bu qanunun qəbulu erkən nikaha daxil olmanın qarşını alır. Erkən nikahda şiddət, zorakılıq daha çox olur. Aparılan araşdırmalar göstərib ki, erkən nikaha daxil olan qızların çoxu bunu öz istəkləri ilə deyil, ailələrinin istəkləri ilə edirlər. Bu da sonradan problemlər yaradır”. /APA/