"Payız aylarında Ukraynadan bir neçə nümayəndə heyəti Azərbaycana səfər edəcək". APA-nın xəbərinə görə, bunu Ukraynanın Azərbaycandakı səfiri Aleksandr Mişşenko deyib. O, Ukrayna prezidenti Viktor Yanukoviçin bu ilin aprelində Azərbaycana səfəri zamanı əldə olunmuş razılaşmaların həyata keçirilməsi üçün fəal iş aparıldığını söyləyib.  Səfir payızda Ukraynadan əvvəlcə iqtisadi nümayəndə heyətinin, sonra isə parlament nümayəndə heyətinin Bakıya gələcəyini bildirib.  A. Mişşenko gələn il Azərbaycan prezidenti İlham Əliyevin Ukraynaya rəsmi səfər edəcəyini də açıqlayıb. Eyni il Ukrayna parlamentinin sədri Azərbaycana gələcək. /APA/