Azərbaycanın 2012-ci il dövlət büdcəsinin layihəsinin noyabrın 22-də parlamentdə müzakirəyə çıxarılması planlaşdırılır. Bu barədə APA-ya millət vəkili Zahid Oruc məlumat verib. Z.Orucun sözlərinə görə, hazırda millət vəkilləri layihə ilə tanış olurlar. Noyabrın 10-dan büdcə layihəsinin parlamentin komitələri səviyyəsində müzakirəyə çıxarılması gözlənilir. Layihə parlamentin komitələrinin birgə iclaslarında müzakirə olunduqdan sonra –noyabrın 22-də keçiriləcək Milli Məclisin plenar sessiyasına təqdim olunacaq.
Qeyd edək ki, 2012-ci il dövlət büdcəsinin layihəsi parlamentə oktyabrın üçüncü ongünlüyündə daxil olub. /APA/