Komitə sədrinin müavini Musa Quliyev də səhiyyə sahəsinə ayrılan vəsaitin artırılması təşəbbüsü ilə çıxış edib.
"Dünyanın əksər ölkələrində dərman vasitələrinə ƏDV ləğv olunub. Azərbaycanda isə topdan satışda ləğv olunsa da, pərakəndə satışda əhali ƏDV də ödəməli olur", - Quliyev deyib.
O həmçinin qeyd edib ki, xəstələrin saxlanılması xərcləri də artırılmalıdır. Quliyev bildirib ki, texnologiyalar inkişaf etdikcə, xəstəliklərin ölümlə başa çatması halları daha az olunur və reabilitasiyaya daha çox vəsait tələb olunur.
Sosial siyasət komitəsinin digər üzvü Əhliman Əmiraslanov iclasda deyib ki, Azərbaycanda adambaşına düşən səhiyyə xərcləri bir qədər artıb, ancaq yenə də azdır.
"İlbəil bir xəstənin müalicəsi üçün lazım olan vəsait artır", - Əmiraslanov bildirib. O həmçinin qeyd edib ki, bütün məsələləri tək dövlət büdcəsinin hesabına yox, tibbi sığorta
sisteminə keçməklə də həll etmək olar./Trend/