Şimali Koreyada məhsul yığımının artımına baxmayaraq, əhali, xüsusən də uşaqların qida ilə təminatında ciddi problemlər qalmaqdadır. BMT Ərzaq və kənd təsərrüfatı təşkilatının və BMT Ümumdünya ərzaq proqramının birgə hesabatında belə deyilir. Sənəddə bildirilir ki, proqnoza görə ölkədə məhsuldarlıq ötən illə müqayisədə 8,5% artacaq. Bu halda zəruri taxıl idxalının həcmi 739 min ton olmalıdır. Lakin Şimali Koreya hökuməti xaricdən 325 min ton taxıl almağı planlaşdırdığı üçün taxıl məhsullarının defisiti 414 min ton təşkil edəcək.
Mütəxəssislərin fikrincə, bu halda təxminən 3 milyon insan 2012-ci ildə Şimali Koreyada qida çatışmazlığından əziyyət çəkəcək. /APA/