“İsrailin bu ilin yazında İrana hərbi müdaxilə edəcəyini düşünmürəm”. APA-nın məlumatına görə, bu fikirləri ABŞ-ın müdafiə naziri Leon Panetta fevralın 14-də ABŞ Senatının Silahlı Qüvvələr Komitəsinin iclasında çıxışı zamanı bildirib. Onun sözlərinə görə, ABŞ da İsrail və digər ölkələr kimi İranın mübahisəli nüvə proqramından narahatlıq keçirir: “Biz İranın nüvə silahına sahib olmasının tərəfdarı olmadığımızı açıq şəkildə bildirmişik. Rəsmi Tehran Hörmüz boğazını bağlamaq təhdidindən də vaz keçməlidir. İndiki məqamda dünya ictimaiyyətinin bir yerdə olmasını və İrana qarşı sanksiyaların sərtləşdirilməsini vacib sayırıq”. /APA/