“Azərbaycanda qeyri-hökumət təşkilatları sektorunun bu il üçün qrant büdcəsi 30 milyon manat olub”. APA-nın məlumatına görə, bunu Azərbaycan Respublikası Prezidenti yanında QHT-lərə Dövlət Dəstəyi Şurasının sədri Azay Quliyev BMT-nin İqtisadi-Sosial Şurasının (ECOSOC) QHT-lər üzrə bölməsinin rəhbəri Andrey Abramovla görüşündə deyib. Azay Quliyev qeyd edib ki, bu statistika Azərbaycanın dövlət qurumlarını tərəfindən şuraya təqdim olunub: “Həmin 30 milyon manatın 2 milyon manatı QHT-lərə Dövlət Dəstəyi Şurası tərəfindən vətəndaş cəmiyyəti təşkilatlarına verilib. Yəni QHT-lərin layihələri maliyyələşdirilib. Qalan vəsait isə digər donor təşkilatlar tərəfindən Azərbaycandakı QHT-lərin layihələri maliyyələşdirilib”.
A.Quliyev Azərbaycan QHT-lərinin beynəlxalq donor qurumları ilə əməkdaşlıqdan çəkinmədiyini də qeyd edib.  /APA/