Azərbaycanda Vətəndaş Cəmiyyətinin İnkişafına Yardım Assosiasiyası

AŞPA komitəsi gələn həftə Parisdə siyasi məhbuslar məsələsini müzakirə edəcək

gunay — Fri, 18 May 2012 14:20:42 +0500

Siyasi məhbuslar məsələsi AŞPA-nın hüquqi məsələlər və insan haqları Komitəsinin mayın 21-də Parisdə keçiriləcək iclasında müzakirə olunacaq. APA-nın məlumatına görə, müzakirələrdə AŞPA-nın siyasi məhbuslar üzrə məruzəçisi Kristof Ştrasserin də iştirakı gözlənilir. Xatırladaq ki, Kristof Ştrasser 2009-cu ilin matında AŞPA-nın Azərbaycanda siyasi məhbuslar üzrə məruzəçisi təyin olunub.

BMT baş katibi Ümumdünya Ətraf Mühit günü ilə bağlı müraciət yayıb

gunay — Fri, 18 May 2012 14:18:39 +0500

BMT baş katibi Pan Gi Mun - 5 İyun Ümumdünya ətraf mühit günü ilə bağlı dünya ictimaiyyətinə müraciət edib. BMT-nin Bakı ofisindən APA-ya verilən məlumata görə baş katib qeyd edib ki, Ümumdünya Ətraf Mühit günü bizlərə daha davamlı dünya yaratmaq üçün dəyişikliklərə ehtiyacın olduğunu vurğulamaq imkanı verir. Günün bu ilki mövzusu belədir: “Yaşıl iqtisadiyyat: Sən də qoşulmusanmı?”. Baş katib qeyd edib ki, bu mövzu insanların ekoloji izlərini planetin hüdudları daxilində saxlamaq üçün hər kəsin öz öhdəsinə düşəni yerinə yetirməyin vacibliyini vurğulayır: “Dünya əhalisinin sayı 7 milyarddır və bu rəqəm 2050-ci ilə qədər 9 milyardı ötə bilər.

“Ölçmələrin vəhdətinin təmin edilməsi haqqında” qanun layihəsi Azərbaycan parlamentində müzakirə olunacaq

gunay — Fri, 18 May 2012 14:17:08 +0500

Milli Məclisə (MM) “Ölçmələrin vəhdətinin təmin edilməsi haqqında” qanun layihəsi daxil olub. APA-nın məlumatına görə, yeni qanun layihəsi MM-in İqtisadi siyasət komitəsinin iclasında müzakirə edilib. İclasda qanun layihəsinin MM-ə Azərbaycan prezidentinin imzası ilə daxil olduğu bildirilib. Yeni qanun Azərbaycan Respublikasında ölçmələrin vəhdətinin təmin edilməsinin hüquqi və təşkilati əsaslarını, o cümlədən ölçmələrə, kəmiyyət vahidlərinə, ölçmə metodikalarına (metodlarına) tələbləri və həmin tələblərin təmin edilməsi tədbirlərini müəyyən edəcək.

Moldovada GUAM-ın ticarət və nəqliyyatın inkişafı layihəsi ilə bağlı iclas keçirilib

gunay — Fri, 18 May 2012 14:12:19 +0500

Kişinyov (Moldova) şəhərində GUAM-ın ticarət və nəqliyyatın inkişafı layihəsinin reallaşdırılması üzrə Rəhbər Komitənin 16-cı iclası keçirilib. “APA-ECONOMICS”in GUAM-ın saytına istinadən xəbərinə görə, iclasda Rəhbər Komitənin üzvləri, eləcə də GUAM Katibliyinin proqram koordinatoru iştirak ediblər. Toplantı iştirakçıları Rəhbər Komitənin 15-ci iclasının yerinə yetirilmə vəziyyəti haqqında məlumatı dinlədikdən sonra GUAM-ın ticarət və nəqliyyatın inkişafı layihəsinin reallaşdırılması haqqında məsələləri müzakirə ediblər.

ATƏT Parlament Assambleyasının 2014-cü ildə illik yay sessiyası Bakıda keçiriləcək

gunay — Fri, 18 May 2012 12:56:29 +0500

APA-nın xəbərinə görə, bunu Milli Məclis sədrinin müavini, Azərbaycanın ATƏT PA-dakı nümayəndə heyətinin rəhbəri Bahar Muradova jurnalistlərə açıqlamasında deyib. Bahar Muradova bildirib ki, Azərbaycan tərəfi 2014-cü ildə qurumun yaz sessiyasının Bakıda keçirilməsi üçün müraciət edib: “Amma ATƏT Parlament Assambleyasının baş katibliyi bu müraciətə daha diqqətlə yanaşaraq 2014-cü il illik yay sessiyasının Bakıda keçirilməsi barədə Azərbaycan nümayəndə heyəti ilə söhbət apardı. Bu gün Azərbaycan parlamentinin razılıq məktubu baş katibə göndəriləcək.

Bakıda Avropa Günü qeyd edilib

gunay — Fri, 18 May 2012 12:26:07 +0500

Avropa Birliyinin Azərbaycandakı nümayəndəliyi Avropa Gününün 62-ci ildönümünə həsr olunmuş tədbir keçirib. APA-nın xəbərinə görə, AB-nin Azərbaycandakı nümayəndəliyinin rəhbəri Roland Kobia bildirib ki, təşkilat sülh, demokratiya və qanunun aliliyi prinsiplərinə əsaslanır: “Biz bu dəyələri tərəfdaşlarımız, o cümlədən Azərbaycanla bölüşmək istəyirik”. Səfir AB-nin Azərbaycanla siyasi dialoqu, iqtisadi əlaqələri, enerji, mədəniyyət sahələrində əməkdaşlığı fəal inkişaf etdirdiyini söyləyib: “Avropa Birliyi ilə Azərbaycan arasında əməkdaşlıq suverenlik və qarşılıqlı hörmət əsasında qurulur”.

Türkiyə Prezidenti əcnəbilərin daşınmaz əmlak almaları haqqında qanunu ratifikasiya edib

gunay — Fri, 18 May 2012 11:08:38 +0500

Türkiyə Prezidenti Abdulla Gül əcnəbilərin Türkiyədə daşınmaz əmlak almalarına imkan verən qanunu imzalayıb. Trend-in məlumatına görə, bu barədə Türkiyənin "Sabah" qəzeti Prezident Aparatının mətbuat xidmətinə istinadən xəbər verib. Ayın əvvəlində Türkiyə Parlamenti əcnəbi vətəndaşların Türkiyədə topraq ala bilmələrinə imkan verən qanun layihəsini qəbul edib. Qanun ölkənin hər bir vilayətində hər alıcıya 30 hektar deyil, ümumi topraq sahəsinin azı 10 faizinin əcnəbilərə satıla biləcəyini nəzərdə tutur.

Bu gün Rusiya ali məktəblərinə qəbul imtahanı keçiriləcək

gunay — Fri, 18 May 2012 11:05:16 +0500

Tələbə Qəbulu üzrə Dövlət Komissiyası (TQDK) bu gün 2012/2013-cü tədris ili üçün Rusiya ali təhsil müəssisələrində Azərbaycan vətəndaşları üçün ayrılmış yerlərə tələbə qəbulu üçün qəbul imtahanı keçirəcək. Komissiyanın mətbuat xidmətinin rəhbəri Elnur Nağızadə çümə günü Trend-ə deyib ki, Rusiya ali məktəblərinə 101 nəfər sənəd verib.

ETSN Azərbaycanın Laçın rayonunun ermənilər tərəfindən işğalının 20-ci ildönümü ilə bağlı məlumat açıqlayıb

gunay — Fri, 18 May 2012 10:56:23 +0500

Ekologiya və Təbii Sərvətlər Nazirliyi (ETSN) Azərbaycanın Laçın rayonunun ermənilər tərəfindən işğalının 20-ci ildönümü ilə bağlı məlumat açıqlayıb. ETSN-in mətbuat xidmətindən APA-ya daxil olan məlumatda bildirilir ki, təbii sərvətlərlə zəngin olan Laçın rayonunda Turşsu, Qaladərəsi, Ağanus, Xırmanlar, Tiqiq, Turş-tiqiq, Nurəddin, Nağdalı, Hacıxanlı kimi müalicəvi əhəmiyyətli bulaqlar mövcuddur.

Ermənilərin Azərbaycanın Laçın rayonunu işğal etməsindən 20 il ötür

gunay — Fri, 18 May 2012 10:50:47 +0500

Bu gün Azərbaycanın Laçın rayonunun Ermənistan Silahlı Qüvvələri tərəfindən işğal olunmasından 20 il keçir. APA-nın məlumatına görə, 1992-ci il mayın 18-də Ermənistan Silahlı Qüvvələrinin Laçın rayonunu ələ keçirməsi ilə Dağlıq Qarabağ “de-fakto” Ermənistana birləşdirilib. İşğal nəticəsində Laçında 1 şəhər, 1 qəsəbə və 120 kənd düşmən əlinə keçib, 264 nəfər şəhid olub, 65 nəfər girov götürülüb, 103 nəfər əlil olub.