“Ailə institutunun möhkəmləndirilməsi məqsədilə gənclər üçün psixoloji və hüquqi yardımların təşkili” layihəsinin icrasına başlanıb

AVCİYA Seçki Qərargahının Mətbuat Xidmətinin məlumatı
“Hədəf Bakıdır. Hitler neft uğrunda döyüşü necə uduzdu” sənədli filmi Los-Ancelesdə nümayiş etdirilib
Millət vəkili Müslüm Məmmədov Kürdəmirdə seçicilərlə görüşüb

“İnsan hüquqları üzrə İctimai Şura” ictimai birliyi Azərbaycan Respublikasının Prezidenti Yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə “Ailə institutunun möhkəmləndirilməsi məqsədilə gənclər üçün psixoloji və hüquqi yardımların təşkili” layihəsinin icrasına başlamışdır. Layihə 18 yaşdan yuxarı ailə qurmağa hazırlaşan və ya krizis dövrü sayılan 3-5 il müddət ərzində evli olan gənc ailələri əhatə edəcəkdir. Layihənin əsas məqsədi ailə qurmağa hazırlaşan gənclərə bu sahədə psixoloji dəstək verilməsi, ailə hüququ sahəsində gənclərin maarifləndirilməsi, ailənin dayaqlarının möhkəmlənməsində nikah müqaviləsinin rolunu, əhəmiyyətini göstərmək, ailə qurmazdan əvvəl tərəflərin nikah müqaviləsi bağlamasının vacibliyini təbliğ etməkdən ibarətdir. 3 ay davam edəcək layihə çərçivəsində Bakı, Şirvan şəhərlərində və Xaçmaz rayonunda seminar-məşğələlər keçiriləcəkdir. Layihə çərçivəsində əlavə olaraq 40 gəncə fərdi hüquqi və psixoloji yardımlar göstərilməsi nəzərdə tutulmuşdur.

 

Mətbuat Xidməti