Diplomatların Qazax və Tovuz rayonlarına tanışlıq səfərləri təşkil olunub

Azərbaycanda səsvermə başa çatıb
Bakı Kristal Zalında Azərbaycan Xalq Cümhuriyyətinin 100 illik yubileyinə həsr edilən təntənəli konsert keçirilib
Mehriban Əliyevanın tapşırığı ilə Heydər Əliyev Fondunun nümayəndələri Ağdamda

Ölkəmizin regionlarının inkişafı və bu xüsusda, bölgələrdə həyata keçirilən sosial və iqtisadi layihələr, habelə turizmin inkişafı ilə yerindəcə tanış olmaq məqsədilə Azərbaycan Respublikasında fəaliyyət göstərən diplomatik nümayəndəliklərin rəhbərləri və onların xanımlarının aprelin 30-da və mayın 1-də Xarici İşlər Nazirliyinin təşkilatçılığı ilə Qazax və Tovuz rayonlarına tanışlıq səfərləri təşkil olunub.

Xarici İşlər Nazirliyinin mətbuat xidmətindən AZƏRTAC-a bildiriblər ki, səfər çərçivəsində diplomatlar Qazax rayonunda “Damcılı” mağarası, Qazax sement zavodu, Şəhidlər xiyabanı, Qazax Müəllimlər Seminariyası və Tarixi Cümə Məscidi, “Saloğlu” mebel fabriki, eləcə də Ədəbiyyat Muzeyi və Tarix Diyarşünaslıq Muzeyi ilə tanış olacaqlar.

Eyni zamanda, diplomatlar Tovuz rayonunda Heydər Əliyev adına mədəniyyət və istirahət parkı, “Göytəpə” qədim yaşayış məskəni və “Tovuz Baltiya LTD” konyak klubu ilə tanış olacaqlar.