VIII Qlobal Bakı Forumu işini panel iclaslarda davam etdirir

İlham Əliyev Birləşmiş Krallığın müdafiə üzrə dövlət nazirini qəbul edib
İlham Əliyev və Serbiya Prezidenti Aleksandar Vuçiç mətbuata bəyanatlarla çıxış ediblər
Xocalı soyqırımında iştirakını etiraf edən Madat Babayan 19 il müddətinə azadlıqdan məhrum olunub

Azərbaycan paytaxtında “COVID-19-dan sonrakı dünya” mövzusunda keçirilən VIII Qlobal Bakı Forumu noyabrın 4-də açılış mərasimindən sonra işini panel iclaslarla davam etdirir.

AZƏRTAC xəbər verir ki, Forumun birinci panel iclası “COVID-19-dan sonra yeni dünya nizamı” mövzusuna həsr olunub.

Paneldə COVID-19-dan sonra siyasi landşaft, postkonflikt idarəçilik, qlobal idarəetmə, qlobal təhlükəsizlik, dəyişən dünyada Çinin rolu, Böyük 7-lik və Böyük 20-lik formatları, qlobal iqtisadiyyat və ticarət, təbii resurslar uğrunda mübarizə, qeyri-bərbərlik, insan haqları, ətraf mühit və sabit iqtisadi inkişaf məsələləri müzakirə ediləcək.

2008, 2009-2011-ci illərdə Belçikanın Baş naziri olmuş Yves Letermenin moderatorluğu ilə keçən iclasda Azərbaycan Respublikasının Xarici İşlər Naziri Ceyhun Bayramovun, BMT-nin 75-ci Baş Assambleyasının sədri, 2015-2016-cı illərdə Türkiyə Respublikasının Avropa İttifaqı işləri naziri olmuş Volkan Bozkırın, Çin Xalq Xarici Əlaqələr İnstitutunun prezidenti (rəqəmsal spiker) Vanq Çaonun, 1999-2007-ci illərdə Latviyanın Prezidenti olmuş, Nizami Gəncəvi Beynəlxalq Mərkəzinin həmsədri Vayra Vike-Freyberqanın, 2016-2018-ci illərdə Türkiyənin Baş naziri, 2018-2019-cu illərdə Böyük Millət Məclisinin sədri işləmiş Binəli Yıldırımın, 2015-ci ilin Nobel Sülh Mükafatı Laureatı Ouided Bouchamaoninin, 2001-2011-ci illərdə Ərəb Liqasının Baş Katibi, 1991-2001-ci illərdə Misirin Xarici İşlər Naziri olmuş Amre Moussanın çıxış edəcəyi gözlənilir.

AZƏRTAC