Qədim Misir dövrünə aid Günəş məbədi tapılıb

AZƏRTAC

Ukraynadan Moldovaya keçən azərbaycanlıların növbəti qrupu Vətənə yola düşüb
BDU-nun 7 komandasının hamısı “Robotex Türkiyə”nin yarımfinal mərhələsində qalib olub
Regionların 2014-2018-ci illərdə sosial-iqtisadi inkişafı Dövlət Proqramının icrasının dördüncü ilinin yekunlarına həsr olunan konfrans keçirilir
Misirli və alman arxeoloqlarından ibarət ekspedisiya “Mataria” açıq hava muzeyində Qədim Misir fironu və ilk ehramı inşa etdirən Xeopsun dövrünə aid Günəş məbədi tapıb.
AZƏRTAC xəbər verir ki, Qahirənin Heliopolis rayonunun yaxınlığında yerləşən bu məbəddə qazıntılar zamanı çoxlu sayda heykəllər də aşkarlanıb. Onların arasında məşhur Sfinks heykəlinin kiçik versiyaları da var. Bu artefaktlar 7 firon, o cümlədən II Ramzesin hakimiyyəti dövrünə – təqribən 3500-3000 il əvvələ addir. Məbəddə, həmçinin kahinlərin Ra – Günəş tanrısına ibadət zamanı keçirdikləri ayinlər üçün nəzərdə tutulan məkan da var. Bundan başqa, arxeoloqlar firon II Amenhotepin qranitdən yonulmuş heykəlinin ən müasir heykəltəraşlıq standartları səviyyəsində olduğunu bildiriblər.
Alimlərin ehtimalına görə, ehramların yerləşdiyi Gizadan Heliopolisə qədər olan ərazidə eramızdan əvvəl III minilliyə aid çoxlu sayda artefaktlar mövcuddur. Misir və alman arxeoloji ekspedisiyası onları üzə çıxarmaq üçün qazıntıları davam etdirir.

AZƏRTAC