AVCİYA şimal-qərb rayonlarında növbəti tədbirlər keçirdi

Operativ Qərargah: Xüsusi karantin rejiminin müəyyən günlərdə sərtləşdirilməsi qərara alınıb
Referendumda “exit-poll” keçirmək istəyən təşkilatlar qeydə alındı
Prezident İlham Əliyev fiziki şəxslərin problemli kreditlərinin həllinə dair Fərman imzalayıb

 Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahı Prezident seçkiləri ilə əlaqədar  növbəti  seminarları Zaqatala, Balakən, Qax, Şəki rayonlarının sakinləri üçün  keçirib.

Tədbirin keçirilməsində məqsəd regionlarda əhalinin seçki fəallığının artırılması və müşahidəçilərin maarifləndirilməsidir. AVCİYA Seçki Qərargahının rəhbəri t.ü.f.d., dosent Məhərrəm Zülfüqarlı tədbir iştirakçılarına seçki öncəsi ictimai-siyasi vəziyyət barədə məlumat verib. Daha sonra o, tədbir iştirakçılarını AVCİYA Seçki Qərargahının Fəaliyyət Proqramı ilə tanış edib və  Prezident seçkilərinin monitorinqini həyata keçirəcək müşahidəçilərə təlimlər keçib.

Tədbirlərdə həmçinin AVCİYA Seçki Qərargahının üzvü Elvin Bədəlli, AVCİYA Zaqatala Regional ofisinin rəhbəri Asif Bayramov və rayon koordinatorları iştirak ediblər.

AVCİYA Seçki Qərargahı növbəti seminarları Quba, Qusar, Xaçmaz və Şabran  rayonlarının müşahidəçi və seçki fəalları üçün keçirəcək.

 

AVCİYA Seçki Qərargahı  Mətbuat Xidməti