Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev “TEKNOFEST Azərbaycan” festivalının keçiriləcəyi ərazidə olub.
“Report” xəbər verir ki, Baş Qərargah rəisi festivalda nümayiş etdiriləcək və Azərbaycan Ordusunun sərəncamında olan hərbi-texnoloji vasitələrə baxış keçirib.
Müdafiə Nazirliyi üçün ayrılan povilyonda Quru Qoşunları, Hərbi Hava Qüvvələri, mühəndis və rabitə hissə və bölmələrinin sərəncamında olan ən yeni hərbi-texniki və digər avadanlıqlar təqdim olunacaq.
Bakıda baş tutacaq “Texnofest-2022” festivalına hazırlıqlar çərçivəsində qırıcı təyyarələrin uçuşu həyata keçirilir.
Hal-hazırda Türkiyə Hərbi Hava Qüvvələrinin qırıcıları – “Solo Türk” və “Türk Ulduzları” aviaqrupuna daxil olan təyyarələr Bakı səmasında məşq edir.Qeyd edək ki, Bakıda “Texnofest-2022” festivalı mayın 26-29-da keçiriləcək.
Report