Diplomatların Qazax və Tovuz rayonlarına tanışlıq səfərləri təşkil olunub

Bu gün Milli Məclisin Regional məsələlər komitəsinin payız sessiyasının ilk iclası onlayn formatda keçirilib
Azərbaycanda COVID-19 infeksiyasına qarşı 59 499 doza vaksin vurulub
Məhərrəm Zülfüqarlı: Azad edilmiş rayonlarda yeni toraq islahatlarının keçirilməsi olduqca vacibdir

Ölkəmizin regionlarının inkişafı və bu xüsusda, bölgələrdə həyata keçirilən sosial və iqtisadi layihələr, habelə turizmin inkişafı ilə yerindəcə tanış olmaq məqsədilə Azərbaycan Respublikasında fəaliyyət göstərən diplomatik nümayəndəliklərin rəhbərləri və onların xanımlarının aprelin 30-da və mayın 1-də Xarici İşlər Nazirliyinin təşkilatçılığı ilə Qazax və Tovuz rayonlarına tanışlıq səfərləri təşkil olunub.

Xarici İşlər Nazirliyinin mətbuat xidmətindən AZƏRTAC-a bildiriblər ki, səfər çərçivəsində diplomatlar Qazax rayonunda “Damcılı” mağarası, Qazax sement zavodu, Şəhidlər xiyabanı, Qazax Müəllimlər Seminariyası və Tarixi Cümə Məscidi, “Saloğlu” mebel fabriki, eləcə də Ədəbiyyat Muzeyi və Tarix Diyarşünaslıq Muzeyi ilə tanış olacaqlar.

Eyni zamanda, diplomatlar Tovuz rayonunda Heydər Əliyev adına mədəniyyət və istirahət parkı, “Göytəpə” qədim yaşayış məskəni və “Tovuz Baltiya LTD” konyak klubu ilə tanış olacaqlar.