e-sosial.az portalına bu ilin əvvəlindən 4 milyondan çox müraciət qeydə alınıb

Elxan Süleymanov veteranlarla görüşdü – 2011 və 2019-cu illərin danışan fotoları
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
Qarabağın “yaşıl enerji” zonasına çevrilməsi üçün konsepsiya və baş plan hazırlanır
Əmək və Əhalinin Sosial Müdafiəsi Nazirliyinin e-sosial.az portalına bu ilin əvvəlindən 4 milyon 445 mindən çox müraciət qeydə alınıb.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, 2019-cu ildən istifadəyə verilən portal ölkənin sosial reyestri olmaqla, vətəndaşlara onlar barədə toplanmış bütün sosial məlumatlara (əmək müqaviləsi, fərdi uçot, pensiya kapitalı, sosial təminat və s. üzrə) çıxış imkanı yaradır.
Vətəndaş onun barəsində portalda toplanmış məlumatları mütəmadi izləyə bilməklə yaranan sosial-əmək hüquqlarının təminatına ictimai nəzarəti həyata keçirmək imkanına malikdir.
“Android” və “İOS” əməliyyat sistemlərində də fəaliyyət göstərən portalda qeydiyyatdan keçən aktiv istifadəçilərin sayı artmaqda davam edərək 1 milyon 155 min 283-ə çatıb.

AZƏRTAC