Müdafiə Nazirliyi: Döyüşlərdə Azərbaycan Ordusunun 7 hərbi qulluqçusu şəhid olub

ATƏT-in konfransında “Sərhədsiz reportyorlar”ın Azərbaycana qarşı təxribatı ifşa olunub
Heydər Əliyev Mərkəzi “Heydər Əliyev və Azərbaycan iqtisadiyyatının inkişaf strategiyası” mövzusunda elmi-praktik seminar keçirib
Ombudsmanların XV Bakı Beynəlxalq Konfransının Bəyannaməsi qəbul edilib

Azərbaycan Respublikasının Müdafiə Nazirliyi noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı Azərbaycan Ordusunun həlak olan hərbi qulluqçularının adlarını açıqlayıb.

AZƏRTAC Müdafiə Nazirliyinin mətbuat xidmətinə istinadla döyüşlərdə şəhid olan hərbçilərimizin adlarını təqdim edir:

– leytenant Niftəliyev Ümüd Oruc oğlu;

– gizir Cabbarov Orxan Hətəm oğlu;

– müddətdən artıq həqiqi hərbi xidmət hərbi qulluqçusu kiçik çavuş Əliyev Natiq Yusif oğlu;

– əsgər Ağayev Elçin Mərifət oğlu;

– əsgər Əlizadə Elmin Samir oğlu;

– əsgər Əliyev Elçin Ramil oğlu;

– əsgər Xəlilov Murad Qalib oğlu.

Müdafiə Nazirliyinin rəhbərliyi şəhid olan hərbi qulluqçularımızın yaxınlarına dərin hüznlə başsağlığı verir və səbir diləyir.

Allah rəhmət eləsin!

Döyüşlərdə 10 nəfər hərbi qulluqçumuz yaralanıb.

Noyabrın 16-sı axşam saatlarından etibarən Azərbaycan-Ermənistan dövlət sərhədində vəziyyət sabitləşib.

Ermənistanın dövlət sərhədində törətdiyi təxribat və hərbi avantüra tam iflasa uğrayıb.

Əməliyyat şəraiti bölmələrimizin nəzarəti altındadır.

Azərbaycan Respublikasının Silahlı Qüvvələri ölkəmizin suveren ərazilərində xidmətini davam etdirir.

Ermənistanın təxribatı nəticəsində yaranmış gərginliyə və qarşıdurmaya görə məsuliyyət tam şəkildə Ermənistanın hərbi-siyasi rəhbərliyinin üzərinə düşür.