Prezident İlham Əliyev Minskdə “Qələbə” meydanını ziyarət edib

Ombudsmanların XV Bakı Beynəlxalq Konfransının Bəyannaməsi qəbul edilib
Yeni fərdi yaşayış evləri Qarabağ müharibəsi əlillərinin istifadəsinə verildi
DTX nifrət və düşmənçiliyin salınmasına yönələn çağırışlar səsləndirənlərə xəbərdarlıq edib

Azərbaycan Respublikasının Prezidenti İlham Əliyev Belarus Respublikasına rəsmi səfəri çərçivəsində noyabrın 19-da Minsk şəhərindəki “Qələbə” meydanında 1941-1945-ci illər Böyük Vətən müharibəsində faşizm üzərində Qələbənin şərəfinə ucaldılmış abidəni ziyarət edib.

AZƏRTAC-ın xüsusi müxbiri xəbər verir ki, meydanda Azərbaycan Prezidentinin şərəfinə fəxri qarovul dəstəsi düzülmüşdü.

Prezident İlham Əliyev abidənin önünə əklil qoydu.

Azərbaycanın və Belarusun dövlət himnləri səsləndi.

Fəxri qarovul dəstəsi hərbi marşın sədaları altında dövlətimizin başçısının qarşısından keçdi.