Türkiyədə Azərbaycanın xarici işlər nazirinin də iştirakı ilə 5-ci üçtərəfli görüşü keçiriləcək

Prezident İlham Əliyev 15 İyun – Milli Qurtuluş Günü münasibətilə paylaşım edib
İkinci Dünya müharibəsi iştirakçıları və digər müvafiq şəxslərə birdəfəlik maddi yardımın maliyyələşdirməsi başa çatdırılıb
“Qeyri-hökumət təşkilatlarına elektron xidmətlərin göstərilməsinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin Fərmanı

Türkiyə Xarici İşlər Nazirliyi (XİN) Türkiyə-Azərbaycan-Türkmənistan xarici işlər nazirlərinin 5-ci üçtərəfli görüşü barədə məlumat yayıb.

Türkiyə XİN-in mətbuat xidmətindən APA-nın yerli bürosuna verilən xəbərə görə, Türkmənistan Baş nazirinin müavini, xarici işlər naziri Rəşid Meredov 23 fevral 2021-ci il tarixdə Türkiyəyə səfər edəcək.

Səfər çərçivəsində Türkmənistanla gündəmdə olan ikitərəfli və regional məsələlər barədə fikir mübadiləsi aparılacaq.

Türkiyə Prezidenti Rəcəb Tayyib Ərdoğan R. Meredovu qəbul edəcək.

Bildirilib ki, Azərbaycanın xarici işlər naziri Ceyhun Bayramovun iştirakı ilə Türkiyə-Azərbaycan-Türkmənistan xarici işlər nazirlərinin 5-ci üçtərəfli görüşü keçiriləcək.

M. Çavuşoğlu azərbaycanlı həmkarı ilə görüşəcək. Görüş zamanı ölkələr arasında əlaqələr və regional məsələlərə dair əməkdaşlığı daha da inkişaf etdirmək üçün atılacaq addımlar ikili və üçlü formatda müzakirə olunacaq.

APA