TÜRKPA baş katibi Milli Qurtuluş Günü münasibətilə Azərbaycan xalqını təbrik edib

Azərbaycan Prezidenti İlham Əliyev Ağdam rayonuna səfərə gəlib
Azərbaycan Prezidenti İlham Əliyev 2017-ci ilin idman yekunlarına həsr olunan mərasimdə iştirak edib
Jurnalistlər üçün inşa edilmiş ikinci binadakı mənzillərin açarları və sənədləri sahiblərinə təqdim edilib

Türkdilli Ölkələrin Parlament Assambleyasının (TÜRKPA) baş katibi 15 iyun – Milli Qurtuluş Günü münasibətilə Azərbaycan xalqını təbrik edib.

AZƏRTAC xəbər verir ki, iyunun 15-də TÜRKPA-nın “COVID-19 pandemiyası zamanı su ehtiyatlarının və torpaqların qorunması” mövzusunda onlayn videokonfrans formatında iclası təşkil olunub. Videokonfransda TÜRKPA baş katibi Altınbek Mamayusupov 15 iyun – Milli Qurtuluş Günü münasibətilə Azərbaycan xalqını təbrik edib və bu tarixi günün Azərbaycan üçün əhəmiyyətindən bəhs edib. Eyni zamanda, iclas zamanı baş katib Prezident İlham Əliyevin su ehtiyatlarından səmərəli istifadənin təmin edilməsi, su təsərrüfatının idarə olunmasının təkmilləşdirilməsi və bu sahədə fəaliyyətin əlaqələndirilməsi məqsədilə imzaladığı Sərəncama əsasən yaradılan Komissiya haqqında danışıb. Beləliklə, baş katib su ehtiyatlarının düzgün qiymətləndirilməsi, su ehtiyatlarının və balansın elektron idarə edilməsi və elektron nəzarət sisteminin yaradılmasının qarşıdan gələn illərdə Azərbaycan üçün ən vacib məsələlər sırasında olduğunu vurğulayıb. Videokonfransda üzv parlamentlərdən və Özbəkistandan olan millət vəkilləri, üzv ölkələrin Azərbaycandakı səfir və səfirliklərinin nümayəndələri, üzv ölkələrinin müvafiq nazirlik və qurumlarından, həmçinin BMT İnkişaf Proqramı (UNDP) və Ərzaq və Kənd Təsərrüfatı Təşkilatının (FAO) Azərbaycan üzrə nümayəndəliyinin ekspertləri də iştirak ediblər.