Viktor Quminski: Azərbaycan MSK seçkilərin şəffaf, azad və demokratik formada keçməsi sahəsində böyük işlər görüb

Prezidentin köməkçisi: “Azərbaycan 1 200 erməni hərbi qulluqçusunun meyitini qaytarıb”
Bərdədə Prezident İlham Əliyevin sədrliyi ilə pambıqçılığın inkişafına dair respublika müşavirəsi keçirilib
“Qəhrəmanlığa bərabər əməyinizə, fədakarlığınıza görə çox sağ olun”

Azərbaycanın Mərkəzi Seçki Komissiyası (MSK) seçkilərin şəffaf, azad və demokratik formada keçməsi sahəsində böyük işlər görüb.

AZƏRTAC xəbər verir ki, bu sözləri MDB müşahidəçilər missiyasının başçısı Viktor Quminski söyləyib.

O deyib: “Bizim uzunmüddətli missiyamız fevralın 19-da fəaliyyətə başlayıb. Missiyanın tərkibində 8 ölkədən bütövlükdə 252 müşahidəçi, habelə MDB Parlamentlərarası Assambleyasının, Belarus-Rusiya İttifaqı Parlament Məclisinin, MDB İcraiyyə Komitəsinin nümayəndələri təmsil olunub. Seçkilərdə xeyli sayda deputatlığa namizəd iştirak edir ki, bu da əvvəlki seçkilərlə müqayisədə qat-qat çoxdur. Parlament seçkiləri ilə bağlı namizədlərə hər cür şərait yaradılıb. Yerli və beynəlxalq müşahidəçilərlə yanaşı, yerli və xarici kütləvi informasiya vasitələrinin və digər aşkarlıq təsisatlarının azad fəaliyyəti üçün bütün imkanlar var. Biz regionlara səfər edərkən, bu gün məntəqənin açılışında və səsvermədə iştirak edərkən buna əmin olduq”.

MDB müşahidəçilər missiyasının başçısı onu da əlavə edib ki, aşağı komissiyaların, sahə komissiyalarının üzvlərinin hazırlığı istiqamətində böyük işlər görülüb.