AIIB-də Azərbaycan üzrə alternativ direktor təyin edilib

Novruz Məmmədov: Seçkilərin daha erkən tarixə təyin edilməsi dövlətin qarşısında duran mühüm məsələlərin həlli baxımından vacibdir
Prezident İlham Əliyevin sədrliyi ilə Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib
Qənirə Paşayeva: Münaqişələrin həllinə nail olunması, işğallara son qoyulması üçün səylər daha da gücləndirilməlidir

Asiya İnfrastruktur İnvestisiya Bankında (AIIB) Azərbaycan üzrə yeni alternativ direktor dəyişib.

“Report” xəbər verir ki, bu vəzifəyə Gürcüstan vətəndaşı Nikoloz Qaqua (Nikolaz Gagua) təyin edilib. N.Qaqua Gürcüstan maliyyə nazirinin müavinidir.

O, Azərbaycanla yanaşı, Bruney, Gürcüstan, Qırğızıstan, Pakistan və Türkiyə üzrə də eyni vəzifəni icra edəcək.

N.Qaqua azərbaycanlı alternativ direktor Ruslan Rüstəmlinin yerinə təyinat alıb. Hazırda AIIB-də digər alternativ direktor isə Pakistan vətəndaşı Məhəmməd Aslam Çaudaridir (Muhammad Aslam Chaudhary). Bankın regional direktoru isə Türkiyə vətəndaşı Mehmet Alper Baturdır.

Məlumatı “Report”a təsdiq edən R. Rüstəmli bu təyinatın rotasiya qaydasında həyata keçirildiyini, 2 ilin tamamında isə yenidən səlahiyyətlərin Azərbaycan tərəfinə qayıdacağını bildirib.

Qeyd edək ki, R.Rüstəmli İqtisadiyyat Nazirliyinin Beynəlxalq Təşkilatlarla Əməkdaşlıq Departamentinin direktorudur. Ötən il bu vəzifədə onu keçmiş müavini Toğrul Quliyev əvəz edib.

R.Rüstəmli 2018-ci ilin mayın 7-də əmək və əhalinin sosial müdafiəsi naziri Sahil Babayevin yerinə “Bərk məişət tullantılarının vahid idarəçiliyi” layihəsinin baş direktoru təyin edilib.

Xatırladaq ki, 2015-ci il iyunun 29-da Pekində (Çin) 57 ölkə AIIB-in yaradılması üçün müqavilə imzalayıb. Azərbaycan tərəfdən bu müqaviləni maliyyə naziri Samir Şərifov imzalayıb. Rəsmi Bakının üzvlüyü 2016-cı il iyunun 24-də ratifikasiya edilib. Hazırda rəsmi Bakının Bankda payı 0,2636%-ə, səsvermə payı isə 0,4508%-ə bərabərdir.