“Azərbaycanın cəbhəyanı rayonlarının sakinlərinin qəsdlə içməli sudan məhrum edilməsi” adlı məruzə AŞPA-da qəbul edilib

“332 onlayn” saytında “Azərbaycan vətəndaşları Sərsəng su anbarı ilə bağlı Avropa İttifaqının tədbir görməsi üçün müraciətlər edirlər” sərlövhəli məqalə dərc olunmuşdur
Cocuq Mərcanlı sakinləri 24 ildən sonra öz kəndlərində səs verir
Gürcü tarixçi: “Ermənistan Qarabağdan əl çəkməlidir”

Avropa Şurası Parlament Assambleyasının sessiyasında Militsa Markoviçin “Azərbaycanın cəbhəyanı rayonlarının sakinlərinin qəsdlə içməli sudan məhrum edilməsi” adlı məruzəsi qəbul edilib.

APA-nın Avropa müxbiri xəbər verir ki, məruzə üzrə əlavə və dəyişikliklər müzakirə olunaraq səsə qoyulub. Məruzəyə ümumilikdə 21 əlavə və dəyişiklik təklif olunub. Əlavə və dəyişikliklərin çoxu ermənilər tərəfindən təklif edilib. Erməni tərəfi hər cür vasitələrlə məruzənin məzmununu dəyişdirərək, sənədi öz xeyirlərinə yumşaltmağa çalışıblar.

Ancaq onların təklif etdikləri əlavə və dəyişikliklər keçməyib.

Sona yaxın Ermənistan nümayəndə heyətinin üzvü Armen Rustamyan hesabatın yenidən komitəyə qaytarılmasını təklif etsə də, nə komitə, nə də məruzəçi bu təklifi qəbul edib. Erməni tərəf hətta məruzənin hesabatın adını da dəyişməyə cəhd edib, amma bu cəhd də uğursuzluqla nəticələnib.

Sonda məruzə səsə qoyulub, 98 deputat lehinə, 71 deputat əleyhinə olmaqla qəbul edilib.

Apa.az